(॥పల్లవి॥)
ఈపాటి వలపులు యెఱఁగనివా
పోపో ఆతనికేల బుద్ది చెప్పేరే
(॥ఈపాటి॥)
మనసు ముట్టినఁ గాని మాటలూనుఁ జవిగావు
తనువు సోఁకినఁ గాని తనివి లేదు
చనవులిచ్చినఁ గాని సరసములు చెల్లవు
పెనఁగి యాతనినేల పెరరేఁచేరే
(॥ఈపాటి॥)
తప్పక చూచినఁగాని దగ్గరి రాఁగొలుపదు
చెప్పుడు సుద్దులఁ గాని చింత దీరదు
చొప్పుగా నవ్వినఁ గాని చుట్టరికము నిండదు
యిప్పుడే యాతనినేల యేసపెట్టేరే
(॥ఈపాటి॥)
ఏకతమయ్యినఁ గాని యెరవులు విడువవు
రాకలఁ బోకలఁ గాని రతివుట్టదు
కైకొని శ్రీ వేంకటాద్రి ఘనుఁడిట్టె నన్నుఁ గూడె
యీకడ యాతనినేల యియ్యకొలిపేరే
(||pallavi||)
ībāḍi valabulu yĕṟam̐ganivā
pobo ādanigela buddi sĕppere
(||ībāḍi||)
manasu muṭṭinam̐ gāni māḍalūnum̐ javigāvu
tanuvu som̐kinam̐ gāni tanivi ledu
sanavulichchinam̐ gāni sarasamulu sĕllavu
pĕnam̐gi yādaninela pĕrarem̐sere
(||ībāḍi||)
tappaga sūsinam̐gāni daggari rām̐gŏlubadu
sĕppuḍu suddulam̐ gāni siṁta dīradu
sŏppugā navvinam̐ gāni suṭṭarigamu niṁḍadu
yippuḍe yādaninela yesabĕṭṭere
(||ībāḍi||)
egadamayyinam̐ gāni yĕravulu viḍuvavu
rāgalam̐ bogalam̐ gāni radivuṭṭadu
kaigŏni śhrī veṁkaḍādri ghanum̐ḍiṭṭĕ nannum̐ gūḍĕ
yīgaḍa yādaninela yiyyagŏlibere