ఈ విశ్వాసంబు యెవ్వరికిఁ దోఁప దిది
(॥పల్లవి॥)
ఈ విశ్వాసంబు యెవ్వరికిఁ దోఁప దిది
పావనుల హృదయమునఁ బ్రభవించుఁగాని
(॥ఈవి॥)
ఇమ్మయినపాపంబు లెన్నివలసినఁ బ్రాణి
సమ్మతంబున జేయఁ జాలుఁగా కేమి
కుమ్మరికి నొకయేఁడు గుదియ కొకనాఁడవును
నమ్మితలఁ చినవిష్ణునామంబుచేత
(॥ఈవి॥)
కొదలేనిదురితములు కొండలునుఁ గోట్లును
చెదర కెప్పుడుఁ బ్రాణి చేయుగా కేమి
పొదరి గొరియలలోన పులిచొచ్చినట్లౌను
హృదయంబు హరిమీఁద నుండినంతటను
(॥ఈవి॥)
సరిలేని దుష్కర్మసంఘములు రాసులై
పెరుగఁ జేయుచు ప్రాణి పెంచుఁగాకేమి?
బెరసి కొండలమీఁదఁ బిడుగువడ్డట్లౌను
తిరువేంకటాచలాధిపునిఁ దలఁచినను
(||pallavi||)
ī viśhvāsaṁbu yĕvvarigim̐ dom̐pa didi
pāvanula hṛdayamunam̐ brabhaviṁchum̐gāni
(||īvi||)
immayinabābaṁbu lĕnnivalasinam̐ brāṇi
sammadaṁbuna jeyam̐ jālum̐gā kemi
kummarigi nŏgayem̐ḍu gudiya kŏganām̐ḍavunu
nammidalam̐ sinaviṣhṇunāmaṁbuseda
(||īvi||)
kŏdaleniduridamulu kŏṁḍalunum̐ goṭlunu
sĕdara kĕppuḍum̐ brāṇi seyugā kemi
pŏdari gŏriyalalona pulisŏchchinaṭlaunu
hṛdayaṁbu harimīm̐da nuṁḍinaṁtaḍanu
(||īvi||)
sarileni duṣhkarmasaṁghamulu rāsulai
pĕrugam̐ jeyusu prāṇi pĕṁchum̐gāgemi?
bĕrasi kŏṁḍalamīm̐dam̐ biḍuguvaḍḍaṭlaunu
tiruveṁkaḍāsalādhibunim̐ dalam̐sinanu