ఈ తగవే నాకు నీకు నెంచి చూచితే
(॥పల్లవి॥)
ఈ తగవే నాకు నీకు నెంచి చూచితే
కాతరపు జీవులకుఁ గలదా వివేకము
(॥ఈ త॥)
భారము నీది గనక పలుమారుఁ బాపములే
చేరి మొక్కలాన నేఁ జేసితిని
పేరడిఁ దల్లిదండ్రులు బిడ్డ లేమి సేసినాను
వోరుచుక ముద్దు సేసుకుందురు లోకమున
(॥ఈ త॥)
కావ నీవు గలవని కడదాఁకా నేరములే
వేవేలు సేసితిని వెఱవక
భావించుక యింటిదొర పసురము దెంచుకొని
యేవిధిఁ బైరుమేసినా నెగ్గుసేయఁ డతఁడు
(॥ఈ త॥)
పుట్టించేవాఁడవు నీవు పొదలేవారము నేము
యెట్టుండినా నీకుఁ బోదు యెన్నటికిని
వొట్టుక శ్రీవేంకటేశ వోడఁగట్టిన దూలము
అటునిట్టు బొరలినా నండవాయ దెపుడు
(||pallavi||)
ī tagave nāgu nīgu nĕṁchi sūside
kādarabu jīvulagum̐ galadā vivegamu
(||ī ta||)
bhāramu nīdi ganaga palumārum̐ bābamule
seri mŏkkalāna nem̐ jesidini
peraḍim̐ dallidaṁḍrulu biḍḍa lemi sesinānu
vorusuga muddu sesuguṁduru logamuna
(||ī ta||)
kāva nīvu galavani kaḍadām̐kā neramule
vevelu sesidini vĕṟavaga
bhāviṁchuga yiṁṭidŏra pasuramu dĕṁchugŏni
yevidhim̐ bairumesinā nĕgguseyam̐ ḍadam̐ḍu
(||ī ta||)
puṭṭiṁchevām̐ḍavu nīvu pŏdalevāramu nemu
yĕṭṭuṁḍinā nīgum̐ bodu yĕnnaḍigini
vŏṭṭuga śhrīveṁkaḍeśha voḍam̐gaṭṭina dūlamu
aḍuniṭṭu bŏralinā naṁḍavāya dĕbuḍu