(॥పల్లవి॥)
ఈ సుర లీ మును లీ చరాచరములు
యీ సకలమంతయు నిది యెవ్వరు
(॥ఈ సురలీ॥)
ఎన్నిక నామము లిటు నీవైయుండఁగ
యిన్నినామముల వారిది యెవ్వరు
వున్నచోటనే నీవు వుండుచుండఁగ మరి
యిన్నిటాఁ దిరుగు వారిది యెవ్వరు
(॥ఈ సురలీ॥)
వొక్కరూపై నీవు వుండుచుండఁగ మరి
తక్కిన యీరూపములు తా మెవ్వరు
యిక్కడనక్కడ నీవు యిటు ఆత్మలలోనుండ
మక్కువ నుండువారు మరి యెవ్వరు
(॥ఈ సురలీ॥)
శ్రీవేంకటాద్రిపై చెలఁగి నీవుండఁగా
దైవంబులనువారు తా మెవ్వరు
కావలిసినచోట కలిగి నీ వుండఁగ
యీవిశ్వపరిపూర్ణు లిది యెవ్వరు
(||pallavi||)
ī sura lī munu lī sarāsaramulu
yī sagalamaṁtayu nidi yĕvvaru
(||ī suralī||)
ĕnniga nāmamu liḍu nīvaiyuṁḍam̐ga
yinnināmamula vāridi yĕvvaru
vunnasoḍane nīvu vuṁḍusuṁḍam̐ga mari
yinniḍām̐ dirugu vāridi yĕvvaru
(||ī suralī||)
vŏkkarūbai nīvu vuṁḍusuṁḍam̐ga mari
takkina yīrūbamulu tā mĕvvaru
yikkaḍanakkaḍa nīvu yiḍu ātmalalonuṁḍa
makkuva nuṁḍuvāru mari yĕvvaru
(||ī suralī||)
śhrīveṁkaḍādribai sĕlam̐gi nīvuṁḍam̐gā
daivaṁbulanuvāru tā mĕvvaru
kāvalisinasoḍa kaligi nī vuṁḍam̐ga
yīviśhvabaribūrṇu lidi yĕvvaru