(॥పల్లవి॥)
ఈ జీవునకు నేది గడపల తనకు
నే జాతియును లేక యిట్లున్నవాఁడు
(॥ఈజీ॥)
బహుదేహ కవచములఁ బారవేసినవాఁడు
బహుస్వతంత్రముల నాపద నొందినాఁడు
బహుకాలముల మింగి పరవశంబైనాఁడు
బహుయోనికూపములఁ బడి వెడలినాఁడు
(॥ఈజీ॥)
పెక్కుబాసలు నేర్చి పెంపు మిగిలినవాఁడు
పెక్కు నామములచే బిలువఁబడినాఁడు
పెక్కుకాంతలతోడ పెక్కుపురుషులతోడ
పెక్కులాగులఁ బెనఁగి బెండుపడినాఁడు
(॥ఈజీ॥)
ఉండనెన్నఁడుఁ దనకు ఊరటెన్నఁడు లేక
యెండలకు నీడలకు యెడతాఁకినాఁడు
కొండలలో నెలకొన్న కోనేటిరాయని
యండ చేరెదననుచు నాసపడినాఁడు
(||pallavi||)
ī jīvunagu nedi gaḍabala tanagu
ne jādiyunu lega yiṭlunnavām̐ḍu
(||ījī||)
bahudeha kavasamulam̐ bāravesinavām̐ḍu
bahusvadaṁtramula nābada nŏṁdinām̐ḍu
bahugālamula miṁgi paravaśhaṁbainām̐ḍu
bahuyonigūbamulam̐ baḍi vĕḍalinām̐ḍu
(||ījī||)
pĕkkubāsalu nersi pĕṁpu migilinavām̐ḍu
pĕkku nāmamulase biluvam̐baḍinām̐ḍu
pĕkkugāṁtaladoḍa pĕkkuburuṣhuladoḍa
pĕkkulāgulam̐ bĕnam̐gi bĕṁḍubaḍinām̐ḍu
(||ījī||)
uṁḍanĕnnam̐ḍum̐ danagu ūraḍĕnnam̐ḍu lega
yĕṁḍalagu nīḍalagu yĕḍadām̐kinām̐ḍu
kŏṁḍalalo nĕlagŏnna koneḍirāyani
yaṁḍa serĕdananusu nāsabaḍinām̐ḍu