(॥పల్లవి॥)
ఎటువంటివాఁడె యీతఁడు
యిటువలె దగ్గరీ నీతఁడు
(॥ఎటు॥)
తలయెత్తి చూచితే తనుఁ జూచితి నంటా
యెలయించవచ్చీ నీతఁడు
చెలులతోడ నేఁ జేసన్న సేసితే
యెలమి దగ్గరవచ్చీ నీతఁడు
(॥ఎటు॥)
యింతిఁ బిలిచితే యెరపరికము లేక
యింతలోఁ బలికీ నీతఁడు
చెంత నాసకిపైఁ జెయివేయఁబోతే
యెంత కెంత చెయ్యొగ్గీ నీతఁడు
(॥ఎటు॥)
యెదుటనున్నసతితో నేకతము లాడఁబోతే
యిదివో కాఁగిలించీ నీతఁడు
కదిసి యిప్పుడు శ్రీవెంకటనాథుఁడు నా
యెదలోనె పాయకున్నాఁ డీతఁడు
(||pallavi||)
ĕḍuvaṁṭivām̐ḍĕ yīdam̐ḍu
yiḍuvalĕ daggarī nīdam̐ḍu
(||ĕḍu||)
talayĕtti sūside tanum̐ jūsidi naṁṭā
yĕlayiṁchavachchī nīdam̐ḍu
sĕluladoḍa nem̐ jesanna seside
yĕlami daggaravachchī nīdam̐ḍu
(||ĕḍu||)
yiṁtim̐ biliside yĕrabarigamu lega
yiṁtalom̐ baligī nīdam̐ḍu
sĕṁta nāsagibaim̐ jĕyiveyam̐bode
yĕṁta kĕṁta sĕyyŏggī nīdam̐ḍu
(||ĕḍu||)
yĕduḍanunnasadido negadamu lāḍam̐bode
yidivo kām̐giliṁchī nīdam̐ḍu
kadisi yippuḍu śhrīvĕṁkaḍanāthum̐ḍu nā
yĕdalonĕ pāyagunnām̐ ḍīdam̐ḍu