(॥పల్లవి॥)
ఎటువంటివాఁడవు యెంత మెత్తనివాఁడవు
మటుమాయములలోని మరఁగు దెలియవు
(॥ఎటు॥)
మచ్చరించేనా నీతో మనసు చూడవలసి
యెచ్చరికెగా నంటినేమైనను
కొచ్చికొచ్చి పోరేనా కొనగొన చన్నులను
తచ్చనకు నదిమితే తమకించేవు
(॥ఎటు॥)
తప్పువట్టేనా నీ తగవు చూడవలసి
చొప్పులెత్తి నీమేను సోదించితి
వుప్పటించి పెనఁగేనా వుడివోని సరసాన
కొప్పువట్టినంతలోనే కొసర వచ్చేవు
(॥ఎటు॥)
చలపట్టేనా నీవు సారెకు మెచ్చవలసి
కలసి కాఁగిలఁ గూడి కరఁగించితి
బలిమి చూపేనా నీతో పక్కన శ్రీ వెంకటేశ
తెలిపి మోముచూచితేఁ దిట్టువచ్చేవు
(||pallavi||)
ĕḍuvaṁṭivām̐ḍavu yĕṁta mĕttanivām̐ḍavu
maḍumāyamulaloni maram̐gu dĕliyavu
(||ĕḍu||)
machchariṁchenā nīdo manasu sūḍavalasi
yĕchcharigĕgā naṁṭinemainanu
kŏchchigŏchchi porenā kŏnagŏna sannulanu
tachchanagu nadimide tamagiṁchevu
(||ĕḍu||)
tappuvaṭṭenā nī tagavu sūḍavalasi
sŏppulĕtti nīmenu sodiṁchidi
vuppaḍiṁchi pĕnam̐genā vuḍivoni sarasāna
kŏppuvaṭṭinaṁtalone kŏsara vachchevu
(||ĕḍu||)
salabaṭṭenā nīvu sārĕgu mĕchchavalasi
kalasi kām̐gilam̐ gūḍi karam̐giṁchidi
balimi sūbenā nīdo pakkana śhrī vĕṁkaḍeśha
tĕlibi momusūsidem̐ diṭṭuvachchevu