ఎటువంటి వేడుకలో యివి మీకే తెలుసును
(॥పల్లవి॥)
ఎటువంటి వేడుకలో యివి మీకే తెలుసును
చిటిపొటి మీ సుద్దులు చెప్పుకొనే మిపుడు
(॥ఎటు॥)
తరుణితో నేమంటివో తలఁచుక తలఁచుక
శిరసు వంచుక నవ్వు సెలవులను
నిరతపుభోగముల నేరు పెటువంటిదో
గరిమతోడుత మోము కళదేరుచుండును
(॥ఎటు॥)
చేరి సరమాడుతా చేఁత లేమి సేసితివో
వూరకె సిగ్గులతోడ నుమ్మగిలును
గారవించి మనసెంత కరఁగఁజేసితివో
కూరిమితో సంతోసించుకొని చెలరేఁగును
(॥ఎటు॥)
యెనసి కాఁగిటిలోన నెంత మెప్పించితివో
గొనకొని విన్నప్పుడూఁ గొనియాడును
చనవిచ్చి యేలితివి చందాన శ్రీవేంకటేశ
తనిసి నీ మన్ననల దా నిట్లా నుండును
(||pallavi||)
ĕḍuvaṁṭi veḍugalo yivi mīge tĕlusunu
siḍibŏḍi mī suddulu sĕppugŏne mibuḍu
(||ĕḍu||)
taruṇido nemaṁṭivo talam̐suga talam̐suga
śhirasu vaṁchuga navvu sĕlavulanu
niradabubhogamula neru pĕḍuvaṁṭido
garimadoḍuda momu kaḽaderusuṁḍunu
(||ĕḍu||)
seri saramāḍudā sem̐ta lemi sesidivo
vūragĕ sigguladoḍa nummagilunu
gāraviṁchi manasĕṁta karam̐gam̐jesidivo
kūrimido saṁtosiṁchugŏni sĕlarem̐gunu
(||ĕḍu||)
yĕnasi kām̐giḍilona nĕṁta mĕppiṁchidivo
gŏnagŏni vinnappuḍūm̐ gŏniyāḍunu
sanavichchi yelidivi saṁdāna śhrīveṁkaḍeśha
tanisi nī mannanala dā niṭlā nuṁḍunu