(॥పల్లవి॥)
ఎటువంటి చుట్టరిక మెటువంటి పొందులు
సటవటలకు నేల సాదించేవే
(॥ఎటు॥)
అప్పటినుండియు నీ అండ నిట్టెవుండఁగాను
రెప్పలెత్తి చూచి చూచి రేసు లాడేవు
చెప్పినవారిమాటకు చెవియొగ్గి విని విని
తప్పుఁదారుల నేల తమకించేవే
(॥ఎటు॥)
మనసిచ్చి నే నీతో మాట లిట్టె ఆడఁగాను
వెనకసుద్దుల కేల వెంగె మాడేవే
తనిసి వొకటొకటె తలఁచుక తలఁచుక
పెనఁగి నేఁ బిలువఁగ బిగిసే వేలే
(॥ఎటు॥)
కందువ లంటి నేను కాఁగిలించి కూడఁగాను
చందపు బొమ్మల నేల జంకించేవే
చెందితి నిదివో నిన్ను శ్రీవెంకటేశుఁడ నేను
అందిన రతుల నేల అలయించేవే
(||pallavi||)
ĕḍuvaṁṭi suṭṭariga mĕḍuvaṁṭi pŏṁdulu
saḍavaḍalagu nela sādiṁcheve
(||ĕḍu||)
appaḍinuṁḍiyu nī aṁḍa niṭṭĕvuṁḍam̐gānu
rĕppalĕtti sūsi sūsi resu lāḍevu
sĕppinavārimāḍagu sĕviyŏggi vini vini
tappum̐dārula nela tamagiṁcheve
(||ĕḍu||)
manasichchi ne nīdo māḍa liṭṭĕ āḍam̐gānu
vĕnagasuddula kela vĕṁgĕ māḍeve
tanisi vŏgaḍŏgaḍĕ talam̐suga talam̐suga
pĕnam̐gi nem̐ biluvam̐ga bigise vele
(||ĕḍu||)
kaṁduva laṁṭi nenu kām̐giliṁchi kūḍam̐gānu
saṁdabu bŏmmala nela jaṁkiṁcheve
sĕṁdidi nidivo ninnu śhrīvĕṁkaḍeśhum̐ḍa nenu
aṁdina radula nela alayiṁcheve