ఎటువంటి మోహమో యీపెకు నాతని మీఁద
(॥పల్లవి॥)
ఎటువంటి మోహమో యీపెకు నాతని మీఁద
ఘటియించె నిద్దరికి కందువ వేడుకలు
(॥ఎటు॥)
సంగడిఁ గూచున్నది చనవు చేకొన్నది
అంగపుఁ జెమట నోల లాడినది
యెంగిలిపొత్తున విడే లిచ్చినది మెచ్చినది
పంగించీ నిందిరాదేవి ప్రహ్లాదవరదుని
(॥ఎటు॥)
మొక్కుచు నవ్వినది ముచ్చట లాడినది
యిక్కువ లంటుచు లోలో నెన సున్నది
చెక్కుఁ జెక్కుఁ గదియించి జిగిఁ బులకించినది
చిక్కించీఁ గమలాదేవి శ్రీనరసింహునిని
(॥ఎటు॥)
కనుసన్న చేసినది కాఁగిట నించినది
తనివార రతులను దక్కఁ గొన్నది
చెనకి యహోబలాన శ్రీవెంకటాద్రి మీఁద
ననిచె శ్రీమహాలక్ష్మీ నరమృగదేవుని
(||pallavi||)
ĕḍuvaṁṭi mohamo yībĕgu nādani mīm̐da
ghaḍiyiṁchĕ niddarigi kaṁduva veḍugalu
(||ĕḍu||)
saṁgaḍim̐ gūsunnadi sanavu segŏnnadi
aṁgabum̐ jĕmaḍa nola lāḍinadi
yĕṁgilibŏttuna viḍe lichchinadi mĕchchinadi
paṁgiṁchī niṁdirādevi prahlādavaraduni
(||ĕḍu||)
mŏkkusu navvinadi muchchaḍa lāḍinadi
yikkuva laṁṭusu lolo nĕna sunnadi
sĕkkum̐ jĕkkum̐ gadiyiṁchi jigim̐ bulagiṁchinadi
sikkiṁchīm̐ gamalādevi śhrīnarasiṁhunini
(||ĕḍu||)
kanusanna sesinadi kām̐giḍa niṁchinadi
tanivāra radulanu dakkam̐ gŏnnadi
sĕnagi yahobalāna śhrīvĕṁkaḍādri mīm̐da
nanisĕ śhrīmahālakṣhmī naramṛgadevuni