ఎటువంటి భోగి వీఁడెటువంటి జాణ
(॥పల్లవి॥)
ఎటువంటి భోగి వీఁడెటువంటి జాణ
వటపత్రమున నున్నవాఁడా వీఁడు
(॥ఎటు॥)
పొదిగొనఁ బూచిన పున్నాగతరులలో
పొదలుఁ బుప్పొళ్ళపైఁ బూఁదేనె సోనలు
గదలుచు జడివానకాలంపుఁ బెదపెద్ద-
నదులై పారనున్నతిని
కదలని నడిగడ్డ కల్పభూజంబుల
పదిలమైన నీడ బంగారు చవికెలో
కదిసిన జలరాశి కన్నెకౌఁగిటఁ గూడి
వదలకెప్పుడు నున్నవాఁడా వీఁడు
(॥ఎటు॥)
వలనగు తావుల వాంతికలలోన
కెలఁకుల నరవెడ్పుఁ గెందామరలయందు
పొలయుచు గొజ్జంగపూవుల దూళితో
లలితంపు గాలి చల్లఁగను
కొలందిమీరిన మంచి కోనేటి పన్నీటి-
జలములలో నున్న జలముఖులుఁ దాను
అలరుచుఁ దననోలలాడుచు నేప్రొద్దు
వలపులు చల్లినవాఁడా వీఁడు
(॥ఎటు॥)
లోకము లోపలి లోలలోచనలెల్లా
జోకైన తనవాలుఁ జూపులచేఁ జిక్కి
యీకడాకడ చూడనెఱఁగక నిజమైన-
సాకారమునకె మెచ్చఁగను
పైకొన్న సరసపుఁ బలుకులఁ గరఁగించి
యేంకాతమున సౌఖ్యమెల్లఁ జేకొనుచుఁ దా-
నీకడఁ దిరువేంకటేశుఁ డై యున్నాఁడు
వైకుంఠపతియైన వాఁడా వీఁడు
(||pallavi||)
ĕḍuvaṁṭi bhogi vīm̐ḍĕḍuvaṁṭi jāṇa
vaḍabatramuna nunnavām̐ḍā vīm̐ḍu
(||ĕḍu||)
pŏdigŏnam̐ būsina punnāgadarulalo
pŏdalum̐ buppŏḽḽabaim̐ būm̐denĕ sonalu
gadalusu jaḍivānagālaṁpum̐ bĕdabĕdda-
nadulai pāranunnadini
kadalani naḍigaḍḍa kalbabhūjaṁbula
padilamaina nīḍa baṁgāru savigĕlo
kadisina jalarāśhi kannĕgaum̐giḍam̐ gūḍi
vadalagĕppuḍu nunnavām̐ḍā vīm̐ḍu
(||ĕḍu||)
valanagu tāvula vāṁtigalalona
kĕlam̐kula naravĕḍpum̐ gĕṁdāmaralayaṁdu
pŏlayusu gŏjjaṁgabūvula dūḽido
lalidaṁpu gāli sallam̐ganu
kŏlaṁdimīrina maṁchi koneḍi pannīḍi-
jalamulalo nunna jalamukhulum̐ dānu
alarusum̐ dananolalāḍusu neprŏddu
valabulu sallinavām̐ḍā vīm̐ḍu
(||ĕḍu||)
logamu lobali lolalosanalĕllā
jogaina tanavālum̐ jūbulasem̐ jikki
yīgaḍāgaḍa sūḍanĕṟam̐gaga nijamaina-
sāgāramunagĕ mĕchcham̐ganu
paigŏnna sarasabum̐ balugulam̐ garam̐giṁchi
yeṁkādamuna saukhyamĕllam̐ jegŏnusum̐ dā-
nīgaḍam̐ diruveṁkaḍeśhum̐ ḍai yunnām̐ḍu
vaiguṁṭhabadiyaina vām̐ḍā vīm̐ḍu