(॥పల్లవి॥)
ఎదురుబడి కాఁగిళ్ళు యేరులాయ మీ వలపు
అదనుఁ బదనుఁగూడి అడుసాయ వలపు
(॥ఎదు॥)
చిక్కని చెమటలను చిప్పీలీని వలపు
చొక్కపుకరఁగులను జొబ్బిలీని వలపు
చక్కని సరసముల జాలువాలీ వలపు
తెక్కుల మచ్చికలచే దిగి వారీ వలపు
(॥ఎదు॥)
జవ్వనముకళల రసములుబ్బీ వలపు
నివ్వటిల్లు కోరికల నీరుకమ్మీ వలపు
రవ్వల తమకముల వువ్విళ్ళూరీ వలపు
చివ్వనఁ దరితీపుల జిడ్డుకట్టీ వలపు
(॥ఎదు॥)
పంతపు రతులనే పాలుగారీ వలపు
బంతి మోవులనె కడుఁ బచ్చిదేరీ వలపు
ఇంతలో శ్రీ వెంకటేశ యెనసి మీరుండఁగాను
దొంతరచుట్టిరికానఁ దొప్పఁదోఁగీ వలపు
(||pallavi||)
ĕdurubaḍi kām̐giḽḽu yerulāya mī valabu
adanum̐ badanum̐gūḍi aḍusāya valabu
(||ĕdu||)
sikkani sĕmaḍalanu sippīlīni valabu
sŏkkabugaram̐gulanu jŏbbilīni valabu
sakkani sarasamula jāluvālī valabu
tĕkkula machchigalase digi vārī valabu
(||ĕdu||)
javvanamugaḽala rasamulubbī valabu
nivvaḍillu korigala nīrugammī valabu
ravvala tamagamula vuvviḽḽūrī valabu
sivvanam̐ daridībula jiḍḍugaṭṭī valabu
(||ĕdu||)
paṁtabu radulane pālugārī valabu
baṁti movulanĕ kaḍum̐ bachchiderī valabu
iṁtalo śhrī vĕṁkaḍeśha yĕnasi mīruṁḍam̐gānu
dŏṁtarasuṭṭirigānam̐ dŏppam̐dom̐gī valabu