(॥పల్లవి॥)
ఎదురు లేక చరింతురెట్టైనా శ్రీవైష్ణవులు
మదించి నేనుగులకు మట్టు మేర వున్నదా
(॥ఎదు॥)
భాగీరథిలోనఁ బాపమున్నదా పుణ్య-
భోగపు వేదములలో బొంకులున్నవా
సాగరపుటమృతపు చవిలోఁ జేఁదున్నదా
ఆగతి హరిదాసుల కపరాధ మున్నదా
(॥ఎదు॥)
ఆకసములోన నెరుసందునున్నదా భూమిఁ
జేకొని రవియెదుటఁ జీఁకటున్నదా
యీకడఁ గామధేనువు కియ్యరానివున్నవా
కైకొన్న ప్రపన్నులను గరిసించ నున్నదా
(॥ఎదు॥)
హరినామమంత్రములో నౌఁగాము లున్నవా
గురుకృప గలిగియుఁ గొరతున్నదా
సరవి శ్రీవేంకటేశు శరణన్నవారికి
విరసంబు లందులో వెదకఁగఁ గలదా
(||pallavi||)
ĕduru lega sariṁturĕṭṭainā śhrīvaiṣhṇavulu
madiṁchi nenugulagu maṭṭu mera vunnadā
(||ĕdu||)
bhāgīrathilonam̐ bābamunnadā puṇya-
bhogabu vedamulalo bŏṁkulunnavā
sāgarabuḍamṛtabu savilom̐ jem̐dunnadā
āgadi haridāsula kabarādha munnadā
(||ĕdu||)
āgasamulona nĕrusaṁdununnadā bhūmim̐
jegŏni raviyĕduḍam̐ jīm̐kaḍunnadā
yīgaḍam̐ gāmadhenuvu kiyyarānivunnavā
kaigŏnna prabannulanu garisiṁcha nunnadā
(||ĕdu||)
harināmamaṁtramulo naum̐gāmu lunnavā
gurukṛpa galigiyum̐ gŏradunnadā
saravi śhrīveṁkaḍeśhu śharaṇannavārigi
virasaṁbu laṁdulo vĕdagam̐gam̐ galadā