ఎదురేది యెంచి చూడ నితని ప్రతాపానకు
(॥పల్లవి॥)
ఎదురేది యెంచి చూడ నితని ప్రతాపానకు
పదిదిక్కులను భంగపడిరి దానవులు
(॥ఎదు॥)
యెక్కువగా వినోదాన కితఁడు తేరెక్కితేను
యెక్కిరి దైత్యులు కొఱ్ఱు లిందరుఁ గూడి
చక్కఁగా నితఁడు చేత చక్రమెత్తిన మాత్రాన
దిక్కులఁ బరువెత్తిరి దిమ్మరిఅసురలు
(॥ఎదు॥)
దట్టమై యీతని భేరిఁ దగ నాదు వుట్టితేను
పుట్టె నుత్పాతాలు వైరిపురములందు
అట్టె గరుడధ్వజ మటు మిన్నుముట్టితేను
కిట్టి దనుజుల కపకీర్తి తుదముట్టేను
(॥ఎదు॥)
అలమేలుమంగవిభుఁడటు వీధులేఁగితేను
ఖలు లేఁగిరి యమునికట్టెదిరికి
యెలమి శ్రీవేంకటేశుఁ డేపుమీరఁ జొచ్చితేను
ములిగి దైత్యసతులు మూలమూల చొచ్చిరి
(||pallavi||)
ĕduredi yĕṁchi sūḍa nidani pradābānagu
padidikkulanu bhaṁgabaḍiri dānavulu
(||ĕdu||)
yĕkkuvagā vinodāna kidam̐ḍu terĕkkidenu
yĕkkiri daityulu kŏṭru liṁdarum̐ gūḍi
sakkam̐gā nidam̐ḍu seda sakramĕttina mātrāna
dikkulam̐ baruvĕttiri dimmariasuralu
(||ĕdu||)
daṭṭamai yīdani bherim̐ daga nādu vuṭṭidenu
puṭṭĕ nutpādālu vairiburamulaṁdu
aṭṭĕ garuḍadhvaja maḍu minnumuṭṭidenu
kiṭṭi danujula kabagīrdi tudamuṭṭenu
(||ĕdu||)
alamelumaṁgavibhum̐ḍaḍu vīdhulem̐gidenu
khalu lem̐giri yamunigaṭṭĕdirigi
yĕlami śhrīveṁkaḍeśhum̐ ḍebumīram̐ jŏchchidenu
muligi daityasadulu mūlamūla sŏchchiri