(॥పల్లవి॥)
ఎదుటనేవుండి యాల యెలయించేవే
అదనఁ జేకొనఁగాను అలయకువే
(॥ఎదు॥)
కలికి నీకన్నులు కడు సోగలు
మొలక చన్నులె ములుచేఁగలు
వెలయ వలచె నీవిభుఁడిందుకే
పిలిచీ సారెకునిఁకఁ బెనఁగకువే
(॥ఎదు॥)
నీలాలవంటివి నీకప్పునెఱిఁగురులు
తాలిమి నీనడపులు తగుఁగరులు
కాలమందె మోహించె నీకాంతుఁడిందుకే
కేలుచాఁచీ నీమీఁద జంకించకువే
(॥ఎదు॥)
ముంచిన నీచెక్కులద్దముల మించులు
పంచ మోవిచుంచులు బింబపుటంచులు
యెంచఁగ శ్రీ వేంకటేశుఁడేలె నిందుకే
కంచపురతి యొసఁగె కదుమకువే
(||pallavi||)
ĕduḍanevuṁḍi yāla yĕlayiṁcheve
adanam̐ jegŏnam̐gānu alayaguve
(||ĕdu||)
kaligi nīgannulu kaḍu sogalu
mŏlaga sannulĕ mulusem̐galu
vĕlaya valasĕ nīvibhum̐ḍiṁduge
pilisī sārĕgunim̐kam̐ bĕnam̐gaguve
(||ĕdu||)
nīlālavaṁṭivi nīgappunĕṟim̐gurulu
tālimi nīnaḍabulu tagum̐garulu
kālamaṁdĕ mohiṁchĕ nīgāṁtum̐ḍiṁduge
kelusām̐sī nīmīm̐da jaṁkiṁchaguve
(||ĕdu||)
muṁchina nīsĕkkuladdamula miṁchulu
paṁcha movisuṁchulu biṁbabuḍaṁchulu
yĕṁcham̐ga śhrī veṁkaḍeśhum̐ḍelĕ niṁduge
kaṁchaburadi yŏsam̐gĕ kadumaguve