(॥పల్లవి॥)
ఎదుటనే వున్నాఁడు యిదె నీ రమణుఁడు
అదనిదె సరసము లాడవే యిపుడూ
(॥ఎదుట॥)
కలికితనంబుల కతకారీ
పలుకవే వో చిలుకలకొలికీ
తలిరు మోవిదంతపుబొమ్మా
సెలవుల నవ్వేనే చెలువునితోడా
(॥ఎదుట॥)
చక్కఁదనంబుల జవరాలా
నిక్కిచూడవే నీ పతిని
జక్కవ చన్నుల జగ బిరుదా
మొక్కఁగదవే మొగనికి నిపుడు
(॥ఎదుట॥)
పొసఁగిన నేర్పుల పూబంతీ
కొసరవే రతుల చిగురుఁబోఁడి
వసమై నిన్నేలె వలపులను
వెసఁ బొగడవే శ్రీవేంకట విభుని
(||pallavi||)
ĕduḍane vunnām̐ḍu yidĕ nī ramaṇum̐ḍu
adanidĕ sarasamu lāḍave yibuḍū
(||ĕduḍa||)
kaligidanaṁbula kadagārī
palugave vo silugalagŏligī
taliru movidaṁtabubŏmmā
sĕlavula navvene sĕluvunidoḍā
(||ĕduḍa||)
sakkam̐danaṁbula javarālā
nikkisūḍave nī padini
jakkava sannula jaga birudā
mŏkkam̐gadave mŏganigi nibuḍu
(||ĕduḍa||)
pŏsam̐gina nerbula pūbaṁtī
kŏsarave radula sigurum̐bom̐ḍi
vasamai ninnelĕ valabulanu
vĕsam̐ bŏgaḍave śhrīveṁkaḍa vibhuni