ఎదుట నున్నాఁడు వీఁడె యీ బాలుఁడు
(॥పల్లవి॥)
ఎదుట నున్నాఁడు వీఁడె యీ బాలుఁడు
మదిఁ దెలియ మమ్మ యే మరులో కాని
(॥ఎదుట॥)
పరమపురుషుఁ డట పసులఁ గాచె నట
సరవు లెంచిన విన సంగతా యిది
హరియే తా నటముద్దు లందరికిఁ జేసె నట
యిర వాయ నమ్మ సుద్దు లేఁటివో కాని
(॥ఎదుట॥)
వేదాల కొడయఁ డట వెన్నలు దొంగిలె నట
నాదించి విన్నవారికి నమ్మికా యిది
ఆదిమూల మితఁ డటా ఆడికెల చాఁత లట
కా దమ్మ యీసుద్దు లెట్టికతలో కాని
(॥ఎదుట॥)
అల బ్రహ్మతండ్రి యట యశోదకు బిడ్డఁడట
కొలఁ దొకరికిఁ జెప్ప గూడునా యిది
తెలిపి శ్రీవెంకటాద్రిదేవుఁడై నిలిచె నట
కల దమ్మ తన కెంత కరుణో కాని
(||pallavi||)
ĕduḍa nunnām̐ḍu vīm̐ḍĕ yī bālum̐ḍu
madim̐ dĕliya mamma ye marulo kāni
(||ĕduḍa||)
paramaburuṣhum̐ ḍaḍa pasulam̐ gāsĕ naḍa
saravu lĕṁchina vina saṁgadā yidi
hariye tā naḍamuddu laṁdarigim̐ jesĕ naḍa
yira vāya namma suddu lem̐ṭivo kāni
(||ĕduḍa||)
vedāla kŏḍayam̐ ḍaḍa vĕnnalu dŏṁgilĕ naḍa
nādiṁchi vinnavārigi nammigā yidi
ādimūla midam̐ ḍaḍā āḍigĕla sām̐ta laḍa
kā damma yīsuddu lĕṭṭigadalo kāni
(||ĕduḍa||)
ala brahmadaṁḍri yaḍa yaśhodagu biḍḍam̐ḍaḍa
kŏlam̐ dŏgarigim̐ jĕppa gūḍunā yidi
tĕlibi śhrīvĕṁkaḍādridevum̐ḍai nilisĕ naḍa
kala damma tana kĕṁta karuṇo kāni