(॥పల్లవి॥)
ఏది తుద దీనికేది మొదలు
పాదుకొను హరి మాయఁ బరగు జీవునికి
(॥ఏది॥)
ఎన్ని బాధలు దనకు నెన్ని లంపటములు
యెన్ని వేదనలు మరియెన్ని దుఃఖములు
యెన్ని పరితాపంబు లెన్నిదలపోఁతలు
యెన్ని చూచిన మరియు నెన్నైనఁ గలవు
(॥ఏది॥)
యెన్ని కొలువులు దనకు నెన్ని యనుచరణలు
యెన్ని యాసలు మరియు నెన్ని మోహములు
యెన్ని గర్వములు దనకెన్ని దైన్యంబులివి
ఇన్నియునుఁ దలఁప మరి యెన్నైనఁ గలవు
(॥ఏది॥)
యెన్నిటికిఁ జింతించు నెన్నిటికి హర్షించు
నెన్నిటికి నాసించు నెన్నిటికిఁ దిరుగు
యిన్నియును దిరు వేంకటేశులీలలు గాఁగ_
నెన్ని చూచినను దా నెవ్వఁడునుగాఁడు
(||pallavi||)
edi tuda dīnigedi mŏdalu
pādugŏnu hari māyam̐ baragu jīvunigi
(||edi||)
ĕnni bādhalu danagu nĕnni laṁpaḍamulu
yĕnni vedanalu mariyĕnni duḥkhamulu
yĕnni paridābaṁbu lĕnnidalabom̐talu
yĕnni sūsina mariyu nĕnnainam̐ galavu
(||edi||)
yĕnni kŏluvulu danagu nĕnni yanusaraṇalu
yĕnni yāsalu mariyu nĕnni mohamulu
yĕnni garvamulu danagĕnni dainyaṁbulivi
inniyunum̐ dalam̐pa mari yĕnnainam̐ galavu
(||edi||)
yĕnniḍigim̐ jiṁtiṁchu nĕnniḍigi harṣhiṁchu
nĕnniḍigi nāsiṁchu nĕnniḍigim̐ dirugu
yinniyunu diru veṁkaḍeśhulīlalu gām̐ga̮
nĕnni sūsinanu dā nĕvvam̐ḍunugām̐ḍu