(॥పల్లవి॥)
ఏది నిజంబని యెటువలె నమ్ముదు
పోదితోడ నను బోధింపవే
(॥ఏది॥)
సత్తు నసత్తని సర్వము నీవని
చిత్తగించి శ్రుతి చె ప్పెడిని
వుత్తమమధ్యమ మొగిఁ గలదని మరి
యిత్తల శాస్త్రము లేర్పరచీని
(॥ఏది॥)
నానారూపులు నరహరి నీవని
పూనిన విధు లిటు పొగడెడిని
మానక హేయము మరి వుపాధే(దే?)యము
కానవచ్చి యిలఁ గలిగియున్నవి
(॥ఏది॥)
భావాభావము పరమము నీ వని
దైవజ్ఞులు నినుఁ దలఁచెదరు
శ్రీవేంకటగిరిఁ జెలఁగిన నీవే
తావుగ మదిలోఁ దగిలితివి
(||pallavi||)
edi nijaṁbani yĕḍuvalĕ nammudu
podidoḍa nanu bodhiṁpave
(||edi||)
sattu nasattani sarvamu nīvani
sittagiṁchi śhrudi sĕ ppĕḍini
vuttamamadhyama mŏgim̐ galadani mari
yittala śhāstramu lerbarasīni
(||edi||)
nānārūbulu narahari nīvani
pūnina vidhu liḍu pŏgaḍĕḍini
mānaga heyamu mari vubādhe(de?)yamu
kānavachchi yilam̐ galigiyunnavi
(||edi||)
bhāvābhāvamu paramamu nī vani
daivajñulu ninum̐ dalam̐sĕdaru
śhrīveṁkaḍagirim̐ jĕlam̐gina nīve
tāvuga madilom̐ dagilidivi