(॥పల్లవి॥)
ఏది కడ దీని కేది మొదలు । వట్టి-
వేదనలు తన్ను విడుచు టెన్నఁడు
(॥ఏది॥)
తొడరినహృదయమే తోడిదొంగయై
వడిగొని తన్ను వలఁబెట్టఁగాను
కడఁగి కర్మములఁ గడచు టెన్నడు
నిడినిబంధముల నీఁగు టెన్నఁడు
(॥ఏది॥)
తతిగొన్న తలఁపులే దైవయోగమై
మతినుండి తన్ను మరిగించఁగాను
ప్రతిలేని యాపదఁ బాయు టెన్నఁడు
ధృతిమాలిన యాస దీరు టెన్నఁడు
(॥ఏది॥)
పొదలిన మమతయే భూతమై తన్నుఁ
బొదిగొని బుద్ధి బోధించఁగాను
కదిసి వేంకటపతిఁ గనుట యెన్నఁడు
తుదలేనిభవములఁ దొలఁగు టెన్నఁడు
(||pallavi||)
edi kaḍa dīni kedi mŏdalu | vaṭṭi-
vedanalu tannu viḍusu ṭĕnnam̐ḍu
(||edi||)
tŏḍarinahṛdayame toḍidŏṁgayai
vaḍigŏni tannu valam̐bĕṭṭam̐gānu
kaḍam̐gi karmamulam̐ gaḍasu ṭĕnnaḍu
niḍinibaṁdhamula nīm̐gu ṭĕnnam̐ḍu
(||edi||)
tadigŏnna talam̐pule daivayogamai
madinuṁḍi tannu marigiṁcham̐gānu
pradileni yābadam̐ bāyu ṭĕnnam̐ḍu
dhṛtimālina yāsa dīru ṭĕnnam̐ḍu
(||edi||)
pŏdalina mamadaye bhūdamai tannum̐
bŏdigŏni buddhi bodhiṁcham̐gānu
kadisi veṁkaḍabadim̐ ganuḍa yĕnnam̐ḍu
tudalenibhavamulam̐ dŏlam̐gu ṭĕnnam̐ḍu