(॥పల్లవి॥)
ఏది జూచినఁ దమకు యిన్నియును నిటువలెనె
వేదు విడిచిన కూడు వెదకినను లేదు
(॥ఏది॥)
ఏకాంతసౌఖ్యంబు లెక్కడివి ప్రాణులకు
పైకొన్నదుఃఖముల పాలుపడెఁ గాక
యేకమగు పుణ్యంబు లేడాఁగల విందరికి
కైకొన్నదురితములు కలపాటిగాక
(॥ఏది॥)
హితవైనమమకార మెందుఁగల దిందరికి
ప్రతిలేని విరహతాపము కొలఁదిగాక
మతిలోని వేడుకలు మరియేమి మనుజులకు
జితమైన దైవమిచ్చిన పాటిగాక
(॥ఏది॥)
యిరవైవ దైవకృపయేల దొరుకునుఁ దమకు
పరిమైనకర్మంబు పరిపాటిగాక
యెరవైనపెనుబంధ మేల వీడెడు నాత్మఁ
దిరువేంకటేశుకృప తిరమైనఁ గాఁక
(||pallavi||)
edi jūsinam̐ damagu yinniyunu niḍuvalĕnĕ
vedu viḍisina kūḍu vĕdaginanu ledu
(||edi||)
egāṁtasaukhyaṁbu lĕkkaḍivi prāṇulagu
paigŏnnaduḥkhamula pālubaḍĕm̐ gāga
yegamagu puṇyaṁbu leḍām̐gala viṁdarigi
kaigŏnnaduridamulu kalabāḍigāga
(||edi||)
hidavainamamagāra mĕṁdum̐gala diṁdarigi
pradileni virahadābamu kŏlam̐digāga
madiloni veḍugalu mariyemi manujulagu
jidamaina daivamichchina pāḍigāga
(||edi||)
yiravaiva daivakṛpayela dŏrugunum̐ damagu
parimainagarmaṁbu paribāḍigāga
yĕravainabĕnubaṁdha mela vīḍĕḍu nātmam̐
diruveṁkaḍeśhukṛpa tiramainam̐ gām̐ka