ఏది గతి నే నొక్కఁడనే యెందరి కోపుదును
(॥పల్లవి॥)
ఏది గతి నే నొక్కఁడనే యెందరి కోపుదును
నీదయతో మన్నించఁగదవే నీరజనాభా
(॥ఏది॥)
మోహాంధకారము యెక్కడచూచిన ముంచుకవున్నది
దేహాభిమానము అందుకుఁ దోడు దీకొనివచ్చీని
సాహసభూతము ఘనహింసలకే చాఁపించీఁ జేయి
దాహపుటాసలు వెనకముందరల తరవులువెట్టీని
(॥ఏది॥)
కోపాగ్నికణములు సారెకుఁ జుట్టుక గుబ్బతిలఁ దొడఁగె
పైపై వయోవికారంబులు చలపట్టుక తిరిగీని
చాపల గర్వము యెవ్వరినైన సాధింపించీని
తీపుల ధనములు మీఁదిమీఁదనే తీదీపులు రేఁచీని
(॥ఏది॥)
భావజవిలాస మప్పటప్పటికి బలుములు చూపీని
వేవేలు సంపద లెందుచూచినా వేడుకసేసీని
శ్రీవేంకటేశ యలమేల్మంగను చేకొను దేవుఁడా
యీవేళను నన్నేలితివి నిన్నియు తగ వసమయ్యీని
(||pallavi||)
edi gadi ne nŏkkam̐ḍane yĕṁdari kobudunu
nīdayado manniṁcham̐gadave nīrajanābhā
(||edi||)
mohāṁdhagāramu yĕkkaḍasūsina muṁchugavunnadi
dehābhimānamu aṁdugum̐ doḍu dīgŏnivachchīni
sāhasabhūdamu ghanahiṁsalage sām̐piṁchīm̐ jeyi
dāhabuḍāsalu vĕnagamuṁdarala taravuluvĕṭṭīni
(||edi||)
kobāgnigaṇamulu sārĕgum̐ juṭṭuga gubbadilam̐ dŏḍam̐gĕ
paibai vayovigāraṁbulu salabaṭṭuga tirigīni
sābala garvamu yĕvvarinaina sādhiṁpiṁchīni
tībula dhanamulu mīm̐dimīm̐dane tīdībulu rem̐sīni
(||edi||)
bhāvajavilāsa mappaḍappaḍigi balumulu sūbīni
vevelu saṁpada lĕṁdusūsinā veḍugasesīni
śhrīveṁkaḍeśha yalamelmaṁganu segŏnu devum̐ḍā
yīveḽanu nannelidivi ninniyu taga vasamayyīni