(॥పల్లవి॥)
ఏడే జేనలు యీదేహంబును
యేడా నిఁకమరి యెరఁగము నేము
(॥ఏడే॥)
నిండును జలధులు నిమిషమాత్రమున
నిండియు నిండదు నెఱి మనసు
పండును భువిఁగల పంటలన్నియును
పండదు నాలోఁ బాపపు మనసు
(॥ఏడే॥)
పట్టవచ్చు నల పారేటి పామును
పట్టరాదు నాపాయము
అట్టే ఆరును అనలము నీటను
యెట్టైన నారదు యీకోపంబు
(॥ఏడే॥)
కానవచ్చు నదె ఘనపాతాళము
కానరాదు నాకాలము
శ్రీనగవిహార శ్రీవేంకటేశ్వర
సోనలఁ బుట్టిన సుద్దులు నివిగో
(||pallavi||)
eḍe jenalu yīdehaṁbunu
yeḍā nim̐kamari yĕram̐gamu nemu
(||eḍe||)
niṁḍunu jaladhulu nimiṣhamātramuna
niṁḍiyu niṁḍadu nĕṟi manasu
paṁḍunu bhuvim̐gala paṁṭalanniyunu
paṁḍadu nālom̐ bābabu manasu
(||eḍe||)
paṭṭavachchu nala pāreḍi pāmunu
paṭṭarādu nābāyamu
aṭṭe ārunu analamu nīḍanu
yĕṭṭaina nāradu yīgobaṁbu
(||eḍe||)
kānavachchu nadĕ ghanabādāḽamu
kānarādu nāgālamu
śhrīnagavihāra śhrīveṁkaḍeśhvara
sonalam̐ buṭṭina suddulu nivigo