ఏడనుండి వచ్చితివే యీడకు నీవు
(॥పల్లవి॥)
ఏడనుండి వచ్చితివే యీడకు నీవు
వాడిక సేసుక యేమి వద్దఁ గూచుండేవే
(॥ఏడ॥)
పవ్వళించియున్నవాని పాటలు వాడి లేపి
యివ్వల నూరకే యెంత యెలయించేవే
దివ్వెలెత్తుఁ బొద్దుకాడ తెరలోననున్నవాని
రవ్వఁగా బిలిచి చదరంగా లేమాడేవే
(॥ఏడ॥)
ఆకడి మోమైనవాని నట్టె చెక్కునొక్కి తీసి
కాకరి మాఁటల నేమి కత చెప్పేవే
నాకడనుండినవాని నవ్వు నవ్వి కొనగోర
రేక దీసి తమి యెంత రేఁచవచ్చేవే
(॥ఏడ॥)
అలసియున్నవాని నట్టె కౌఁగిలించుకొని
మలసి మోవిచ్చి యెంత మరిగించేవే
యెలమి శ్రీవేంకటేశుఁ డిప్పు డిట్టె నన్నుఁగూడె
వలపులు రేఁచి యేమి వావులు చెప్పేవే
(||pallavi||)
eḍanuṁḍi vachchidive yīḍagu nīvu
vāḍiga sesuga yemi vaddam̐ gūsuṁḍeve
(||eḍa||)
pavvaḽiṁchiyunnavāni pāḍalu vāḍi lebi
yivvala nūrage yĕṁta yĕlayiṁcheve
divvĕlĕttum̐ bŏddugāḍa tĕralonanunnavāni
ravvam̐gā bilisi sadaraṁgā lemāḍeve
(||eḍa||)
āgaḍi momainavāni naṭṭĕ sĕkkunŏkki tīsi
kāgari mām̐ṭala nemi kada sĕppeve
nāgaḍanuṁḍinavāni navvu navvi kŏnagora
rega dīsi tami yĕṁta rem̐savachcheve
(||eḍa||)
alasiyunnavāni naṭṭĕ kaum̐giliṁchugŏni
malasi movichchi yĕṁta marigiṁcheve
yĕlami śhrīveṁkaḍeśhum̐ ḍippu ḍiṭṭĕ nannum̐gūḍĕ
valabulu rem̐si yemi vāvulu sĕppeve