ఎడమపురివెట్టె పరహితవివేకము, లోన
(॥పల్లవి॥)
ఎడమపురివెట్టె పరహితవివేకము, లోన
గుడుసువడెఁ జదువు, మెరుఁగులువారెఁ జలము
(॥ఎడ॥)
లంప మేయఁగఁదొణఁగె లలితంపుమతి లోనె,
తెంపు దిగవిడిచె యెడ తెగనిమానంబు,
చంప దొరకొనియె వేటలేని తమకంబు,
యింపు ఘనమాయ నే నిఁకనేమి సేతు
(॥ఎడ॥)
బయలువందిలివెట్టు పనిలేనిలంపటము,
దయ విడువఁదొడఁగె చిత్తములోనికాంక్ష,
పయికొన్న మోహంబు పడనిపాట్లఁ బరచె,
లయమాయ శాంతి మెల్లనె తీరె నెరుక
(॥ఎడ॥)
చావుఁబుట్టువు మఱచె సంసారబంధబు,
దైవమును విడిచె యాతరికంపుఁబ్రియము
శ్రీవేంకటేశ్వరుఁడు చిత్తరంజకుఁడు యిఁకఁ
గావలసినది యతనికరుణ ప్రాణులకు
(||pallavi||)
ĕḍamaburivĕṭṭĕ parahidavivegamu, lona
guḍusuvaḍĕm̐ jaduvu, mĕrum̐guluvārĕm̐ jalamu
(||ĕḍa||)
laṁpa meyam̐gam̐dŏṇam̐gĕ lalidaṁpumadi lonĕ,
tĕṁpu digaviḍisĕ yĕḍa tĕganimānaṁbu,
saṁpa dŏragŏniyĕ veḍaleni tamagaṁbu,
yiṁpu ghanamāya ne nim̐kanemi sedu
(||ĕḍa||)
bayaluvaṁdilivĕṭṭu panilenilaṁpaḍamu,
daya viḍuvam̐dŏḍam̐gĕ sittamulonigāṁkṣha,
payigŏnna mohaṁbu paḍanibāṭlam̐ barasĕ,
layamāya śhāṁti mĕllanĕ tīrĕ nĕruga
(||ĕḍa||)
sāvum̐buṭṭuvu maṟasĕ saṁsārabaṁdhabu,
daivamunu viḍisĕ yādarigaṁpum̐briyamu
śhrīveṁkaḍeśhvarum̐ḍu sittaraṁjagum̐ḍu yim̐kam̐
gāvalasinadi yadanigaruṇa prāṇulagu