(॥పల్లవి॥)
ఎడమాటలిఁకనేల యేమనీనే
అడుగవే చేముంచేదప్పుడో యిప్పుడో
(॥ఎడ॥)
విరహమే వేఁడి విరులే వాఁడి
యెరవుల రమణుఁడు యేమనీనే
దరిఁ దొక్కెఁ దలఁపు దట్టుమాయ వలపు
తరవాతిపనులింకఁ దనకో నాకో
(॥ఎడ॥)
తత్తరమే తరవు తాలిములు గరవు
యిత్తల రమణుఁడు దానేమనీనే
వొత్తవచ్చె మరపు వుడివోయ వెరవు
మొత్తమిఁ దనకు నాకు మునుపో వెనకో
(॥ఎడ॥)
పట్టినదె పంతమో పాయమిదిసంతమో
యిట్టె శ్రీవెంకటేశుఁడేమనీనే
రట్టుకెక్కెఁ గాఁగిలి గుట్టెల్ల రతికెక్కె
జట్టిగొనె తానునేను చలి మోబలిమో
(||pallavi||)
ĕḍamāḍalim̐kanela yemanīne
aḍugave semuṁchedappuḍo yippuḍo
(||ĕḍa||)
virahame vem̐ḍi virule vām̐ḍi
yĕravula ramaṇum̐ḍu yemanīne
darim̐ dŏkkĕm̐ dalam̐pu daṭṭumāya valabu
taravādibanuliṁkam̐ danago nāgo
(||ĕḍa||)
tattarame taravu tālimulu garavu
yittala ramaṇum̐ḍu dānemanīne
vŏttavachchĕ marabu vuḍivoya vĕravu
mŏttamim̐ danagu nāgu munubo vĕnago
(||ĕḍa||)
paṭṭinadĕ paṁtamo pāyamidisaṁtamo
yiṭṭĕ śhrīvĕṁkaḍeśhum̐ḍemanīne
raṭṭugĕkkĕm̐ gām̐gili guṭṭĕlla radigĕkkĕ
jaṭṭigŏnĕ tānunenu sali mobalimo