ఏదైనా సుఖమే యిన్నిటా నీవు గలవు
(॥పల్లవి॥)
ఏదైనా సుఖమే యిన్నిటా నీవు గలవు
కాదుగూడదని నిన్నుఁ గక్కసించనేఁటికి
(॥ఏదై॥)
యిహపరములలో నీ వెందు నన్నుఁ బెట్టినాను
నిహితమై రెంటిలోనా నీవు గలవు
వహి కెక్క నేలినవాఁడెక్కడ నుండుమన్నా
తహతహఁ గొలువుకుత్తరువే బంటుకుమ
(॥ఏదై॥)
పాప పుణ్యములలో నేపని నన్నుఁ జేయించినా
కాపాడి రెండు నీవు కల్పించినవే
యేపున మగఁడైన వాఁ డేమి సేయించినాను
దాపగుఁ బతివ్రతా ధర్మమే యాలికిని
(॥ఏదై॥)
కల్ల నిజములలో నొక్కటి నన్ను నాడించినా
చెల్లించ రెంటికి నీవే శ్రీ వేంకటేశా
తల్లిదండ్రులే బాస దగ నాడ నేర్పినాను
తెల్లమిగ నాడేది తేకువే బిడ్డనికి
(||pallavi||)
edainā sukhame yinniḍā nīvu galavu
kādugūḍadani ninnum̐ gakkasiṁchanem̐ṭigi
(||edai||)
yihabaramulalo nī vĕṁdu nannum̐ bĕṭṭinānu
nihidamai rĕṁṭilonā nīvu galavu
vahi kĕkka nelinavām̐ḍĕkkaḍa nuṁḍumannā
tahadaham̐ gŏluvuguttaruve baṁṭuguma
(||edai||)
pāba puṇyamulalo nebani nannum̐ jeyiṁchinā
kābāḍi rĕṁḍu nīvu kalbiṁchinave
yebuna magam̐ḍaina vām̐ ḍemi seyiṁchinānu
dābagum̐ badivradā dharmame yāligini
(||edai||)
kalla nijamulalo nŏkkaḍi nannu nāḍiṁchinā
sĕlliṁcha rĕṁṭigi nīve śhrī veṁkaḍeśhā
tallidaṁḍrule bāsa daga nāḍa nerbinānu
tĕllamiga nāḍedi teguve biḍḍanigi