ఏడకేడ నీచెరిత లేమని పొగడవచ్చు
(॥పల్లవి॥)
ఏడకేడ నీచెరిత లేమని పొగడవచ్చు
యీడులేని మహిమల యినవంశరామా
(॥ఏడ॥)
పరమాన్నములోఁబుట్టి పక్కనఁ దాటకిఁ జంపి
సరుస విశ్వామిత్రుయజ్ఞము గాచి
హరునివిల్లు విరిచి యట్టె సీతఁ బెండ్లాడి
పరశురామునిచేత బలము చేకొంటివి
(॥ఏడ॥)
వైపుగాఁ సుగ్రీవుఁ గూడి వాలి నొక్కకోల నేసి
యేపున జలధి గట్టి యెసగితివి
దీపించు రావణుఁ జంపి దివిజులను మన్నించి
యేపుగా విభీషణుని రాజ్య మేలించితివి
(॥ఏడ॥)
సీతతోఁ బుష్పకమెక్కి జిగి నయోధ్యకు వచ్చి
గాతల రాజ్యపట్టము గట్టుకొంటివి
యీతల శ్రీవేంకటాద్రి నిటు విజనగరాన
నీతితో నెలవుకొని నెగడితివి
(||pallavi||)
eḍageḍa nīsĕrida lemani pŏgaḍavachchu
yīḍuleni mahimala yinavaṁśharāmā
(||eḍa||)
paramānnamulom̐buṭṭi pakkanam̐ dāḍagim̐ jaṁpi
sarusa viśhvāmitruyajñamu gāsi
harunivillu virisi yaṭṭĕ sīdam̐ bĕṁḍlāḍi
paraśhurāmuniseda balamu segŏṁṭivi
(||eḍa||)
vaibugām̐ sugrīvum̐ gūḍi vāli nŏkkagola nesi
yebuna jaladhi gaṭṭi yĕsagidivi
dībiṁchu rāvaṇum̐ jaṁpi divijulanu manniṁchi
yebugā vibhīṣhaṇuni rājya meliṁchidivi
(||eḍa||)
sīdadom̐ buṣhpagamĕkki jigi nayodhyagu vachchi
gādala rājyabaṭṭamu gaṭṭugŏṁṭivi
yīdala śhrīveṁkaḍādri niḍu vijanagarāna
nīdido nĕlavugŏni nĕgaḍidivi