(॥పల్లవి॥)
దుప్పటెల్లా జవ్వాదినే తొప్పఁదోఁగె నీకడనే
వొప్పదా యింతేసి నీకు వో వలపా
(॥దుప్ప॥)
ఉత్తలపు విరహన నుడుకుచు వయసు మీఁ-
దెత్తినది సతి నీకు నిందుకొరకా
వత్తునని విచ్చేసి వనితల కుచముల
వొత్తగిలి వున్నాఁడ వోహో వలపా
(॥దుప్ప॥)
నిదుర గంటకి రాక నెలఁత పానుపుమీఁద-
నెదురు చూచీ నీకు నిందుకొరకా
ముదితల కౌఁగిట ముంచిన కస్తూరి నీకు
వుదిరెడి వురమున నో వలపా
(॥దుప్ప॥)
కన్నుల కలికి నింత కరఁగించి కవుఁగిట
ఎన్నిక సేసితివి నీ విందుకొరకా
చిన్ని చిన్న నగవుల శ్రీవేంకటేశ నీ-
వున్నాఁడవొరపులై వోహో వలపా
(||pallavi||)
duppaḍĕllā javvādine tŏppam̐dom̐gĕ nīgaḍane
vŏppadā yiṁtesi nīgu vo valabā
(||duppa||)
uttalabu virahana nuḍugusu vayasu mīm̐-
dĕttinadi sadi nīgu niṁdugŏragā
vattunani vichchesi vanidala kusamula
vŏttagili vunnām̐ḍa voho valabā
(||duppa||)
nidura gaṁṭagi rāga nĕlam̐ta pānubumīm̐da-
nĕduru sūsī nīgu niṁdugŏragā
mudidala kaum̐giḍa muṁchina kastūri nīgu
vudirĕḍi vuramuna no valabā
(||duppa||)
kannula kaligi niṁta karam̐giṁchi kavum̐giḍa
ĕnniga sesidivi nī viṁdugŏragā
sinni sinna nagavula śhrīveṁkaḍeśha nī-
vunnām̐ḍavŏrabulai voho valabā