Maanasa devi

മാനസദേവീ നിന്‍ രൂപമോ
യാമിനീ രാഗമാലികയോ
ആത്മാവിലേകാന്തമോഹങ്ങള്‍
തീര്‍ക്കുന്ന താരകയോ...

(മാനസ...)

താഴ്‌വര നീര്‍ത്തിയ തേന്‍‌മലര്‍ശയ്യയില്‍
ആദ്യസമാഗമ ദാഹവുമായ്
ആരോമല്‍പ്പൂവേ നിന്‍ കാലൊച്ച കേള്‍ക്കാനായ്
ആരാരും കാണാതെ ഞാന്‍ വന്നു - പോരൂ നീ

(മാനസ...)

നീലിമ ചാര്‍ത്തിയ നീള്‍മിഴിക്കോണിലെ
രാഗമായ് ഓമലേ ഞാനലിയാം
ആനന്ദം തേടും നിന്‍ ചെഞ്ചുണ്ടില്‍ പ്രേമത്തിന്‍
കാവ്യങ്ങള്‍ നല്‍കാനായ് ഞാന്‍ വന്നു - പോരൂ നീ

(മാനസ...)