gāṛī bulā rahī hai, sīṭī bajā rahī hai
chalnā hī ziṅdgī hai, chaltī hī jā rahī hai
dekho vo rel, bachchoṅ kā khel, sīkho sabak javānoṅ
sar pe hai bojh, sīne meṅ āg, lab par dhuvāṇ hai jāno
phir bhī ye jā rahī hai, nagmeṅ sunā rahī hai
āge tūfān, pīchhe barsāt, ūpar gagan meṅ bijlī
soche na bāt, din ho ke rāt, siganal huā ke niklī
dekho vo ā rahī hai, dekho vo jā rahī hai
āte haiṅ log, jāte haiṅ log, pānī me jaise rele
jāne ke bād, āte haiṅ yād, guzre hue vo mele
yādeṅ banā rahī hai, yādeṅ miṭā rahī hai
gāṛī ko dekh, kaisī hai nek, achchhā burā na dekhe
sab haiṅ savār, duśhman ke yār, sabko chalī ye leke
jīnā sikhā rahī hai, marnā sikhā rahī hai
gāṛī kā nām, nā kar badnām, paṭrī pe rakh ke sar ko
himmat na hār, kar iṅtazār, ā lauṭ jāeṅ ghar ko
ye rāt jā rahī hai, vo subah ā rahī hai
sun ye paigām, ye hai saṅgrām, jīvan nahīṅ hai sapnā
dariyā ko fāṅd, pav.rt ko chīr, kām hai ye uskā apnā
nīṅdeṅ uṛā rahī hai, jāgo jagā rahī hai
