(॥పల్లవి॥)
దొరకినయప్పుడే తుదగాక
మరుగకు మెన్నఁడు మరి మనసా
(॥దొర॥)
తనుభోగంబులఁ దనిపినపిమ్మట
వెనుకొని హరిఁ దడవేనంటే
దినమునుఁ దను నింద్రియములచల మిది
తనియుట యెన్నఁడు దగు మనసా
(॥దొర॥)
తిరమగునాల దీరినపిమ్మట
తెరలి విరతిఁ బొందే నంటే
మరలని యాశామయ మీచిత్తము
విరతి యెన్నఁడిఁక వెడ మనసా
(॥దొర॥)
ముదిసినపిమ్మట మొగి శ్రీవేంకట -
సదయుఁ గొలుతు నిచ్చలునంటే
హృదయము శ్రీవేంకటేశునినెల విది
యిదిగనుటెన్నఁడు యీమహి మనసా
(||pallavi||)
dŏraginayappuḍe tudagāga
marugagu mĕnnam̐ḍu mari manasā
(||dŏra||)
tanubhogaṁbulam̐ danibinabimmaḍa
vĕnugŏni harim̐ daḍavenaṁṭe
dinamunum̐ danu niṁdriyamulasala midi
taniyuḍa yĕnnam̐ḍu dagu manasā
(||dŏra||)
tiramagunāla dīrinabimmaḍa
tĕrali viradim̐ bŏṁde naṁṭe
maralani yāśhāmaya mīsittamu
viradi yĕnnam̐ḍim̐ka vĕḍa manasā
(||dŏra||)
mudisinabimmaḍa mŏgi śhrīveṁkaḍa -
sadayum̐ gŏludu nichchalunaṁṭe
hṛdayamu śhrīveṁkaḍeśhuninĕla vidi
yidiganuḍĕnnam̐ḍu yīmahi manasā