(॥పల్లవి॥)
దొరకెఁగా పూజ కందువపూజ నీ-
విరహపు తనుతావి విరవాదిపూజ
(॥దొరకె॥)
కలికి నీ కనుచూపు కలువరేకులపూజ
లలన నీ నగవు మొల్లల పూజ
తలపోఁత చింత చిత్తపుఁ గమలపు పూజ
చలివేఁడి వూర్పు నీ సంపంగి పూజ
(॥దొరకె॥)
కవలుఁ జెక్కునఁ జేయి కరపల్లవపు పూజ
తనుపులకలు జాజిననలపూజ
తనరు నీవలులు దొంతరపూవుల పూజ
మొనయుఁ జెమట మల్లె మొగ్గలపూజ
(॥దొరకె॥)
చెనకు నీ గోళ్ళే చిఱుగేదఁగుల పూజ
గునియు గుబ్బలు పూవుగుత్తుల పూజ
ఘనతమైఁ గూడి వేంకటపతి మోము సోఁ-
కిన నీదుమోవి మంకెనపూవు పూజ
(||pallavi||)
dŏragĕm̐gā pūja kaṁduvabūja nī-
virahabu tanudāvi viravādibūja
(||dŏragĕ||)
kaligi nī kanusūbu kaluvaregulabūja
lalana nī nagavu mŏllala pūja
talabom̐ta siṁta sittabum̐ gamalabu pūja
salivem̐ḍi vūrbu nī saṁpaṁgi pūja
(||dŏragĕ||)
kavalum̐ jĕkkunam̐ jeyi karaballavabu pūja
tanubulagalu jājinanalabūja
tanaru nīvalulu dŏṁtarabūvula pūja
mŏnayum̐ jĕmaḍa mallĕ mŏggalabūja
(||dŏragĕ||)
sĕnagu nī goḽḽe siṟugedam̐gula pūja
guniyu gubbalu pūvuguttula pūja
ghanadamaim̐ gūḍi veṁkaḍabadi momu som̐-
kina nīdumovi maṁkĕnabūvu pūja