(॥పల్లవి॥)
దొరతనములతోడ తొడపై శ్రీసతితోడ
కేరలీఁ బంతముల సుగ్రీవనారసింహము
(॥దొర॥)
నిక్కిన కర్ణములతో నిట్టచూపు గుడ్లతో
మిక్కుటమైన పెద్దమీసాలతోడ
వెక్కసపు నోరితోడ వెలయు బుగ్గలతోడ
క్రిక్కిరిసీ నవ్వుల సుగ్రీవ నారసింహము
(॥దొర॥)
చల్లు నూరుపులతోడ సంకుఁజక్రములతోడ
మొల్లమైన సహస్రకరములతోడ
తెల్లని మేనితోడ దిండైన పిరుఁదుతోడ
కెల్లు రేఁగీఁ గరుణ సుగ్రీవ నారసింహము
(॥దొర॥)
విరుల పాదాలతోడ వెలయు సొమ్ములతోడ
తిరమైన కోటిసూర్యతేజముతోడ
విరుల దండలతోడ వేడుక శ్రీవేంకట-
గిరిమీఁద వెలసె సుగ్రీవ నారసింహము
(||pallavi||)
dŏradanamuladoḍa tŏḍabai śhrīsadidoḍa
keralīm̐ baṁtamula sugrīvanārasiṁhamu
(||dŏra||)
nikkina karṇamulado niṭṭasūbu guḍlado
mikkuḍamaina pĕddamīsāladoḍa
vĕkkasabu noridoḍa vĕlayu buggaladoḍa
krikkirisī navvula sugrīva nārasiṁhamu
(||dŏra||)
sallu nūrubuladoḍa saṁkum̐jakramuladoḍa
mŏllamaina sahasragaramuladoḍa
tĕllani menidoḍa diṁḍaina pirum̐dudoḍa
kĕllu rem̐gīm̐ garuṇa sugrīva nārasiṁhamu
(||dŏra||)
virula pādāladoḍa vĕlayu sŏmmuladoḍa
tiramaina koḍisūryadejamudoḍa
virula daṁḍaladoḍa veḍuga śhrīveṁkaḍa-
girimīm̐da vĕlasĕ sugrīva nārasiṁhamu