(॥పల్లవి॥)
దొర వైతె నింతలోనె దోసమా యేమి
గరిమ మా వినయాలు కానివా యేమి
(॥దొర॥)
మలసి యీడా నాడ మాట లాడకున్న నేమి
తొలుతె యింటికిరాను దోసమా యేమి
తలఁపిట్టె వుండిన దగ్గరక మానేవా
కలపుకోలుఁదనము కానిదా యేమి
(॥దొర॥)
వడిఁ జుట్టాలముగామా వావి చెడ మందు గద్దా
కడు మమ్ము మన్నించితే కానిదా యేమి
కడకన్నులఁ దేలించి కాఁక రేఁచకున్న నేమి
తొడఁగి విడె మందితే దోసమా యేమి
(॥దొర॥)
చేరి చేరి బుజముపై జెయి వేయకున్న నేమి
దూరక కాఁగిలించితే దోసమా యేమి
యీరీతి శ్రీ వెంకటేశ యిక్కువ నుండి కూడి
గారవించితి యిది కానిదా యేమి
(||pallavi||)
dŏra vaidĕ niṁtalonĕ dosamā yemi
garima mā vinayālu kānivā yemi
(||dŏra||)
malasi yīḍā nāḍa māḍa lāḍagunna nemi
tŏludĕ yiṁṭigirānu dosamā yemi
talam̐piṭṭĕ vuṁḍina daggaraga mānevā
kalabugolum̐danamu kānidā yemi
(||dŏra||)
vaḍim̐ juṭṭālamugāmā vāvi sĕḍa maṁdu gaddā
kaḍu mammu manniṁchide kānidā yemi
kaḍagannulam̐ deliṁchi kām̐ka rem̐sagunna nemi
tŏḍam̐gi viḍĕ maṁdide dosamā yemi
(||dŏra||)
seri seri bujamubai jĕyi veyagunna nemi
dūraga kām̐giliṁchide dosamā yemi
yīrīdi śhrī vĕṁkaḍeśha yikkuva nuṁḍi kūḍi
gāraviṁchidi yidi kānidā yemi