దూరలేను పోరలేను దొమ్మి దన్నుఁ జేయలేను
(॥పల్లవి॥)
దూరలేను పోరలేను దొమ్మి దన్నుఁ జేయలేను
మోరతోపుఁదనముల మోనమె చాలు
(॥దూర॥)
తత్తరించకురె పతి తానె నన్ను వలపించె
చిత్తము వచ్చినయట్టె సేయనీఁగదె
యెత్తి నది మీఁదు దనకె మేనుఁ బ్రాయమును
మొత్తమి నా కిఁకమీఁద మోనమెచాలు
(॥దూర॥)
పిలువకురె మీరు పెండ్లాడె ననుఁ దొల్లె
వలసి నప్పుడు రానీ వరుసకును
పలికితిఁ దనదని ప్రాణమును మానమును
ములువాఁడి చెక్కుచేతి మోనమెచాలు
(॥దూర॥)
కక్కసపెట్టకురె కమ్మరఁ విచ్చేసెఁ దానె
మక్కువ గలుగుపాటి మన్నించనీవె
అక్కున శ్రీ వెంకటేశుఁ డాదరించి నన్నుఁగూడె
మొక్కలాన నాకింక మోనమెచాలు
(||pallavi||)
dūralenu poralenu dŏmmi dannum̐ jeyalenu
moradobum̐danamula monamĕ sālu
(||dūra||)
tattariṁchagurĕ padi tānĕ nannu valabiṁchĕ
sittamu vachchinayaṭṭĕ seyanīm̐gadĕ
yĕtti nadi mīm̐du danagĕ menum̐ brāyamunu
mŏttami nā kim̐kamīm̐da monamĕsālu
(||dūra||)
piluvagurĕ mīru pĕṁḍlāḍĕ nanum̐ dŏllĕ
valasi nappuḍu rānī varusagunu
paligidim̐ danadani prāṇamunu mānamunu
muluvām̐ḍi sĕkkusedi monamĕsālu
(||dūra||)
kakkasabĕṭṭagurĕ kammaram̐ vichchesĕm̐ dānĕ
makkuva galugubāḍi manniṁchanīvĕ
akkuna śhrī vĕṁkaḍeśhum̐ ḍādariṁchi nannum̐gūḍĕ
mŏkkalāna nāgiṁka monamĕsālu