(॥పల్లవి॥)
దోమటి నింతెరఁగరా తొల్లిటివారు
వామదేవవసిష్ఠవ్యాసాదులు
(॥దోమ॥)
తానే దైవమైతే తపమేల జపమేల
పూని సారెఁ బూజించే పూజలేల
కూను వంగి యింటింటఁ గోరనేల వేఁడనేల
యీనెపాన లోకమెల్లా నేలరాదా తాను
(॥దోమ॥)
తగఁ దా స్వతంత్రుఁడై తే దరిద్రదుఃఖములేల
నొగిలి వ్యాధులచేత నొవ్వనేల
నగుఁబాటులైన జననమరణములేల
ముగురువేల్పులదండ మొనచూపరాదా
(॥దోమ॥)
శ్రీవేంకటేశుఁడే శేఖరపు దైవమని
సావధానుఁ డితనికి శరణుచొచ్చి
భావములోపలఁ దనపాపబంధములఁ బాసి
తావుల నాతనికృప దండ చేరరాదా
(||pallavi||)
domaḍi niṁtĕram̐garā tŏlliḍivāru
vāmadevavasiṣhṭhavyāsādulu
(||doma||)
tāne daivamaide tabamela jabamela
pūni sārĕm̐ būjiṁche pūjalela
kūnu vaṁgi yiṁṭiṁṭam̐ goranela vem̐ḍanela
yīnĕbāna logamĕllā nelarādā tānu
(||doma||)
tagam̐ dā svadaṁtrum̐ḍai te daridraduḥkhamulela
nŏgili vyādhulaseda nŏvvanela
nagum̐bāḍulaina jananamaraṇamulela
muguruvelbuladaṁḍa mŏnasūbarādā
(||doma||)
śhrīveṁkaḍeśhum̐ḍe śhekharabu daivamani
sāvadhānum̐ ḍidanigi śharaṇusŏchchi
bhāvamulobalam̐ danabābabaṁdhamulam̐ bāsi
tāvula nādanikṛpa daṁḍa serarādā