దిట్టనా నేనంత యేమి దేవరవన్నిటా నీవు
(॥పల్లవి॥)
దిట్టనా నేనంత యేమి దేవరవన్నిటా నీవు
యెట్టైనా నెగ్గులెంచక యీడేర్చుమీ
(॥దిట్ట॥)
నయగారి మాటలెల్ల నమ్మితిఁ గనక యిట్టే
భయము విడిచినీతోఁ బలికే నేను
దయగలవు గనక తడఁబడక యేపొద్దు
ప్రియములు చెప్పి నిన్నుఁ బిలిచే నేను
(॥దిట్ట॥)
ముంచిన నీచేఁతలకు మోహించిన దాననై
పొంచి వూడిగేలు సేసి పొలసే నేను
కంచముపొత్తువాఁడవు గనక నీపాదాలకు
వంచనలేక యేల వడిమొక్కే నేను
(॥దిట్ట॥)
కూడిన వాఁడవు గాన కొంకక శ్రీవేంకటేశ
వేడుక నీతో నవ్వి వెలసే నేను
యీడు లేక మన్నించితి వియ్యకొంటి నన్నిటికి
పాడితో నీయిచ్చకానఁ బరగితి నేను
(||pallavi||)
diṭṭanā nenaṁta yemi devaravanniḍā nīvu
yĕṭṭainā nĕggulĕṁchaga yīḍersumī
(||diṭṭa||)
nayagāri māḍalĕlla nammidim̐ ganaga yiṭṭe
bhayamu viḍisinīdom̐ balige nenu
dayagalavu ganaga taḍam̐baḍaga yebŏddu
priyamulu sĕppi ninnum̐ bilise nenu
(||diṭṭa||)
muṁchina nīsem̐talagu mohiṁchina dānanai
pŏṁchi vūḍigelu sesi pŏlase nenu
kaṁchamubŏttuvām̐ḍavu ganaga nībādālagu
vaṁchanalega yela vaḍimŏkke nenu
(||diṭṭa||)
kūḍina vām̐ḍavu gāna kŏṁkaga śhrīveṁkaḍeśha
veḍuga nīdo navvi vĕlase nenu
yīḍu lega manniṁchidi viyyagŏṁṭi nanniḍigi
pāḍido nīyichchagānam̐ baragidi nenu