దిమ్మరివలె నిటులఁ దిరుగకువే
(॥పల్లవి॥)
దిమ్మరివలె నిటులఁ దిరుగకువే
చిమ్ముల వలపు నీపైఁ జిలికించీఁ గృష్ణుఁడు
(॥దిమ్మ॥)
మెల్లనే వుద్దాలు మెట్టి మీరిన తురుము పెట్టి
తెల్లని ముత్యాలు గట్ట తిరుగకువే
చల్లలమ్మేనంటా నీవు చక్కని గొల్లెతవు
వల్లెవేసీఁ జూపులనే వన్నెకాఁడు కృష్ణుఁడు
(॥దిమ్మ॥)
మట్టెలనే గిలుకొట్టి మణుల పెండెముపట్టి
దిట్టనడపుల వీధిఁ దిరుగకువే
జట్టిగొనుచూపుల జంకెన గొల్లెతవు
పెట్టెడుఁ జిక్కుల నిన్ను బిత్తరీఁడు కృష్ణుఁడు
(॥దిమ్మ॥)
చెక్కులదాఁకాఁ గస్తూరి చెలఁగి నొసలఁ బెట్టి
దిక్కులు చూచుచునంత తిరుగకువే
గక్కున శ్రీవేంకటాద్రి ఘనుఁడు కౌఁగిటను
చొక్కులఁ బెట్టెడి నిన్ను చూరకాఁడు కృష్ణుఁడు
(||pallavi||)
dimmarivalĕ niḍulam̐ dirugaguve
simmula valabu nībaim̐ jiligiṁchīm̐ gṛṣhṇum̐ḍu
(||dimma||)
mĕllane vuddālu mĕṭṭi mīrina turumu pĕṭṭi
tĕllani mutyālu gaṭṭa tirugaguve
sallalammenaṁṭā nīvu sakkani gŏllĕdavu
vallĕvesīm̐ jūbulane vannĕgām̐ḍu kṛṣhṇum̐ḍu
(||dimma||)
maṭṭĕlane gilugŏṭṭi maṇula pĕṁḍĕmubaṭṭi
diṭṭanaḍabula vīdhim̐ dirugaguve
jaṭṭigŏnusūbula jaṁkĕna gŏllĕdavu
pĕṭṭĕḍum̐ jikkula ninnu bittarīm̐ḍu kṛṣhṇum̐ḍu
(||dimma||)
sĕkkuladām̐kām̐ gastūri sĕlam̐gi nŏsalam̐ bĕṭṭi
dikkulu sūsusunaṁta tirugaguve
gakkuna śhrīveṁkaḍādri ghanum̐ḍu kaum̐giḍanu
sŏkkulam̐ bĕṭṭĕḍi ninnu sūragām̐ḍu kṛṣhṇum̐ḍu