దిమ్మరి గాకేల మాను ధీరుఁడైన కోనేటి
(॥పల్లవి॥)
దిమ్మరి గాకేల మాను ధీరుఁడైన కోనేటి-
తిమ్మఁడు దా లోకమెల్లఁ దిరుగాడువాఁడు
(॥దిమ్మ॥)
తోరమైన ముత్యాల తొళసిపూసల పెద్ద
పేరు దనవురముపై బెట్టినవాఁడు
గారవంపుఁ బచ్చఁబట్టు గట్టినవాడు వొ
య్యారపు గొల్లెతలఁ గూడాడినట్టివాఁడు
(॥దిమ్మ॥)
పీలిచుట్టుదలవాఁడు పెదపెదకన్నుల
వాలుఁజూపుల సిరికి వలచువాఁడు
జాలిబెట్టి లోకమెల్ల జట్టిగొన్నవాఁడు తా
నేలనుండి మింటఁబాఱ గాలు చాఁచువాఁడు
(॥దిమ్మ॥)
కొండ మోఁచినట్టి వాఁడు కొండ వేల నెత్తువాఁడు
కొండంత రాకాసులఁ గొట్టినవాఁడు
కొండవంటిదొరయైన కొండల కోనేటివాఁడు
కొండమోఁపరుల నెల్లఁ గూడపెట్టినాఁడు
(||pallavi||)
dimmari gāgela mānu dhīrum̐ḍaina koneḍi-
timmam̐ḍu dā logamĕllam̐ dirugāḍuvām̐ḍu
(||dimma||)
toramaina mutyāla tŏḽasibūsala pĕdda
peru danavuramubai bĕṭṭinavām̐ḍu
gāravaṁpum̐ bachcham̐baṭṭu gaṭṭinavāḍu vŏ
yyārabu gŏllĕdalam̐ gūḍāḍinaṭṭivām̐ḍu
(||dimma||)
pīlisuṭṭudalavām̐ḍu pĕdabĕdagannula
vālum̐jūbula sirigi valasuvām̐ḍu
jālibĕṭṭi logamĕlla jaṭṭigŏnnavām̐ḍu tā
nelanuṁḍi miṁṭam̐bāṟa gālu sām̐suvām̐ḍu
(||dimma||)
kŏṁḍa mom̐sinaṭṭi vām̐ḍu kŏṁḍa vela nĕttuvām̐ḍu
kŏṁḍaṁta rāgāsulam̐ gŏṭṭinavām̐ḍu
kŏṁḍavaṁṭidŏrayaina kŏṁḍala koneḍivām̐ḍu
kŏṁḍamom̐parula nĕllam̐ gūḍabĕṭṭinām̐ḍu