దిక్కులేనివారు నీవే దిక్కని కొలువఁగా
(॥పల్లవి॥)
దిక్కులేనివారు నీవే దిక్కని కొలువఁగా
అక్కరకితఁడు దైవమందురువో నిన్నును
(॥దిక్కు॥)
పాలుపడి నిన్నుఁజేరి పట్టి కొలిచినవారి
జాలిపాటు తొలఁగించి జడనువాపి
మూలఁబడనీక తెచ్చి ముద్దుసేసికావఁగాను
మేలెరుఁగుబుధులెల్ల మెత్తురువో నిన్నును
(॥దిక్కు॥)
కొండలుఁ గోట్లునైన కోరికలు గలవారి -
యండనే కోరికలిచ్చి యాదరించగా
నిండినదాసులకెల్ల నీవే దైవ మవని
కొండమీఁదనుండినఁ బైకొందురువో నిన్నును
(॥దిక్కు॥)
యేకమైనమనసుతో నెవ్వరు దలచినాను
చేకొని కరుణఁ గృపసేయఁగాను
యేకాలము శ్రీవేంకటేశుఁడు మాదైవమని
లోకమెల్లఁ దామే కొలుతురువో నిన్నును
(||pallavi||)
dikkulenivāru nīve dikkani kŏluvam̐gā
akkaragidam̐ḍu daivamaṁduruvo ninnunu
(||dikku||)
pālubaḍi ninnum̐jeri paṭṭi kŏlisinavāri
jālibāḍu tŏlam̐giṁchi jaḍanuvābi
mūlam̐baḍanīga tĕchchi muddusesigāvam̐gānu
melĕrum̐gubudhulĕlla mĕtturuvo ninnunu
(||dikku||)
kŏṁḍalum̐ goṭlunaina korigalu galavāri -
yaṁḍane korigalichchi yādariṁchagā
niṁḍinadāsulagĕlla nīve daiva mavani
kŏṁḍamīm̐danuṁḍinam̐ baigŏṁduruvo ninnunu
(||dikku||)
yegamainamanasudo nĕvvaru dalasinānu
segŏni karuṇam̐ gṛpaseyam̐gānu
yegālamu śhrīveṁkaḍeśhum̐ḍu mādaivamani
logamĕllam̐ dāme kŏluduruvo ninnunu