(॥పల్లవి॥)
దిక్కిందరికినైన దేవుఁడు కడుఁ
దెక్కలికాఁడైన దేవుఁడు
(॥దిక్కి॥)
కొత్తపైండ్లికూఁతుఁ గోరి చూడఁబోయు
యెత్తి తేరిమీఁద నిడుకొని
నెత్తికన్ను మానినవాని పెండ్లికి
దెత్తిగొన్న యట్టి దేవుఁడు
(॥దిక్కి॥)
గొప్పయునపెద్దకొండమీఁద నుండి
దెప్పరమ్ముగా దిగఁబడి
కప్పి రెండుదునుకలు గూడినవాని
తిప్పుఁదీరులాడే దేవుఁడు
(॥దిక్కి॥)
బెరసి మేనమామబిడ్డకునై పోయు
నిరతఁపుబీరాలు నెరపుచు
యిరవైనమాయపుటెద్దులఁ బొరిగోన్న-
తిరువేంకటగిరి దేవుఁడు
(||pallavi||)
dikkiṁdariginaina devum̐ḍu kaḍum̐
dĕkkaligām̐ḍaina devum̐ḍu
(||dikki||)
kŏttabaiṁḍligūm̐tum̐ gori sūḍam̐boyu
yĕtti terimīm̐da niḍugŏni
nĕttigannu māninavāni pĕṁḍligi
dĕttigŏnna yaṭṭi devum̐ḍu
(||dikki||)
gŏppayunabĕddagŏṁḍamīm̐da nuṁḍi
dĕpparammugā digam̐baḍi
kappi rĕṁḍudunugalu gūḍinavāni
tippum̐dīrulāḍe devum̐ḍu
(||dikki||)
bĕrasi menamāmabiḍḍagunai poyu
niradam̐pubīrālu nĕrabusu
yiravainamāyabuḍĕddulam̐ bŏrigonna-
tiruveṁkaḍagiri devum̐ḍu