(॥పల్లవి॥)
ధ్రువవరదునివలె తుదకెక్కుఁ గాక మరి
యివల గర్మఫలంబు లేవైన సతమా
(॥ధ్రువ॥)
కరి రాజ వరదునకు కడఁగి శరణంటేను
కరిఁగాచినట్లనే కాఁచుగాక
పరదైవముల కెంత భంగపడి మొక్కినా
అరసి రావణు కొసంగి నట్లనే కాదా
(॥ధ్రువ॥)
శ్రీపతినే అడిగినను జిగి నజామిళువలె
చేపట్టి సిరుల రక్షించుఁగాక
ఆపోక కౌరవుఁడు హరిపరాజ్ముఖుఁడైన
పైపైనే సంపదలు పార్థుచేఁ బడవా
(॥ధ్రువ॥)
శ్రీవేంకటేశుఁడిచ్చేయీవరంబులే
వోవలను ద్రిష్టమై యుండుఁగాక
భావించ నితరములు పరలోకములయందు
కైవశంబగు ననే కథల వలెఁగాదా
(||pallavi||)
dhruvavaradunivalĕ tudagĕkkum̐ gāga mari
yivala garmaphalaṁbu levaina sadamā
(||dhruva||)
kari rāja varadunagu kaḍam̐gi śharaṇaṁṭenu
karim̐gāsinaṭlane kām̐sugāga
paradaivamula kĕṁta bhaṁgabaḍi mŏkkinā
arasi rāvaṇu kŏsaṁgi naṭlane kādā
(||dhruva||)
śhrībadine aḍiginanu jigi najāmiḽuvalĕ
sebaṭṭi sirula rakṣhiṁchum̐gāga
āboga kauravum̐ḍu haribarājmukhum̐ḍaina
paibaine saṁpadalu pārdhusem̐ baḍavā
(||dhruva||)
śhrīveṁkaḍeśhum̐ḍichcheyīvaraṁbule
vovalanu driṣhṭamai yuṁḍum̐gāga
bhāviṁcha nidaramulu paralogamulayaṁdu
kaivaśhaṁbagu nane kathala valĕm̐gādā