(॥పల్లవి॥)
ధర్మాధర్మములాల దైవములాల
నిర్మిత మాతఁడే కాని నే నేమీ నెఱఁగ
(॥ధర్మా॥)
పుట్టించేటివాఁడు హరి పుట్టెడివాఁడ నేను
నెట్టన నున్న పనులు నే నెఱఁగ
వెట్టివాఁడ నేనింతే విష్ణుఁడు నా కేలికె
చుట్టిన నడుమంత్రాల సుద్దులూ నెఱఁగ
(॥ధర్మా॥)
లోకము దేవునిమాయ లోనైనవాఁడ నేను
చేకొని కర్మములలో చేఁతలెరఁగ
సాకిరి మాత్రము నేను సర్వజ్ఞుఁడాతఁడు
దాకొని నేఁ దలఁచేటి తలఁపూ నెఱఁగ
(॥ధర్మా॥)
అంతరాత్మ యాతఁడు ఆతనిబంట జీవుఁడ
పంతాన నాలోపలి భావ మెరఁగ
యింతయు శ్రీవేంకటేశుఁ డిటువంటివాఁడ నేను
చెంతల నానందమిది చెప్పనేమీ నెఱఁగ
(||pallavi||)
dharmādharmamulāla daivamulāla
nirmida mādam̐ḍe kāni ne nemī nĕṟam̐ga
(||dharmā||)
puṭṭiṁcheḍivām̐ḍu hari puṭṭĕḍivām̐ḍa nenu
nĕṭṭana nunna panulu ne nĕṟam̐ga
vĕṭṭivām̐ḍa neniṁte viṣhṇum̐ḍu nā keligĕ
suṭṭina naḍumaṁtrāla suddulū nĕṟam̐ga
(||dharmā||)
logamu devunimāya lonainavām̐ḍa nenu
segŏni karmamulalo sem̐talĕram̐ga
sāgiri mātramu nenu sarvajñum̐ḍādam̐ḍu
dāgŏni nem̐ dalam̐seḍi talam̐pū nĕṟam̐ga
(||dharmā||)
aṁtarātma yādam̐ḍu ādanibaṁṭa jīvum̐ḍa
paṁtāna nālobali bhāva mĕram̐ga
yiṁtayu śhrīveṁkaḍeśhum̐ ḍiḍuvaṁṭivām̐ḍa nenu
sĕṁtala nānaṁdamidi sĕppanemī nĕṟam̐ga