ధరణిపై వెన్నెల యెందరు గాయరు
(॥పల్లవి॥)
ధరణిపై వెన్నెల యెందరు గాయరు
యిరవై నీతో భోగమెంతలేదు మాకు
(॥ధరణి॥)
చిత్తము వచ్చితేఁ జాలు చెలులనెందరినైనా
కొత్తగాఁగ నీవు దెచ్చుకోవయ్యా
హత్తి పూడిగముసేసి అండనుండి బుద్ధిచెప్పి
యిత్తల నానందించ నెంతలేదు మాకు
(॥ధరణి॥)
ఇచ్చ నీకైతేఁజాలు యెందరిసొమ్ములైనాను
కుచ్చులుగా మేన మోచుకొనవయ్యా
పచ్చిగా నీపాదాలొత్తి పనులెల్లఁ జేసి చేసి
యెచ్చరి చొక్కుచునుండే నెంత లేదుమాకు
(॥ధరణి॥)
వేడుక నీకైతేఁజాలు వేవేలు సతులను
కూడపెట్టి పెండ్లాడుకొనవయ్యా
నీడల శ్రీవెంకటేశ నిన్నుఁ గూడి కూడి
యీడుజోడుగాఁబెనఁగ నెంతలేదు మాకు
(||pallavi||)
dharaṇibai vĕnnĕla yĕṁdaru gāyaru
yiravai nīdo bhogamĕṁtaledu māgu
(||dharaṇi||)
sittamu vachchidem̐ jālu sĕlulanĕṁdarinainā
kŏttagām̐ga nīvu dĕchchugovayyā
hatti pūḍigamusesi aṁḍanuṁḍi buddhisĕppi
yittala nānaṁdiṁcha nĕṁtaledu māgu
(||dharaṇi||)
ichcha nīgaidem̐jālu yĕṁdarisŏmmulainānu
kuchchulugā mena mosugŏnavayyā
pachchigā nībādālŏtti panulĕllam̐ jesi sesi
yĕchchari sŏkkusunuṁḍe nĕṁta ledumāgu
(||dharaṇi||)
veḍuga nīgaidem̐jālu vevelu sadulanu
kūḍabĕṭṭi pĕṁḍlāḍugŏnavayyā
nīḍala śhrīvĕṁkaḍeśha ninnum̐ gūḍi kūḍi
yīḍujoḍugām̐bĕnam̐ga nĕṁtaledu māgu