ధరణి నెంద రెన్నితపములు చేసినాను
(॥పల్లవి॥)
ధరణి నెంద రెన్నితపములు చేసినాను
హరికృపగలవాఁడే అన్నిటాఁ బూజ్యుఁడు
(॥ధర॥)
మితిలేని విత్తు లెన్ని మేదినిపైఁ జల్లినాను
తతితో విత్తినవే తగఁ బండును
యితరకాంతలు మఱి యెందరు గలిగినాను
పతి మన్నించినదే పట్టపుదేవులు
(॥ధర॥)
పాలుపడి నరు లెన్నిపాట్లఁ బడి కొలిచినా-
నేలికె చేపట్టనవాఁడె యెక్కుడుబంటు
మూల నెంతధనమున్నా ముంచి దానధర్మములు
తాలిమితో నిచ్చినదే దాఁపురమై నిల్చును
(॥ధర॥)
యెన్నికెకుఁ గొడుకులు యెందరు గలిగినాను
యిన్నిటా ధర్మపరుఁడే యీడేరును
వున్నతిఁ జదువులెన్ని వుండినా శ్రీవేంకటేశు
సన్నుతించిన మంత్రమే సతమై ఫలించును
(||pallavi||)
dharaṇi nĕṁda rĕnnidabamulu sesinānu
harikṛpagalavām̐ḍe anniḍām̐ būjyum̐ḍu
(||dhara||)
midileni vittu lĕnni medinibaim̐ jallinānu
tadido vittinave tagam̐ baṁḍunu
yidaragāṁtalu maṟi yĕṁdaru galiginānu
padi manniṁchinade paṭṭabudevulu
(||dhara||)
pālubaḍi naru lĕnnibāṭlam̐ baḍi kŏlisinā-
neligĕ sebaṭṭanavām̐ḍĕ yĕkkuḍubaṁṭu
mūla nĕṁtadhanamunnā muṁchi dānadharmamulu
tālimido nichchinade dām̐puramai nilsunu
(||dhara||)
yĕnnigĕgum̐ gŏḍugulu yĕṁdaru galiginānu
yinniḍā dharmabarum̐ḍe yīḍerunu
vunnadim̐ jaduvulĕnni vuṁḍinā śhrīveṁkaḍeśhu
sannudiṁchina maṁtrame sadamai phaliṁchunu