ధరఁ గడపట నేజంతువుకైనా తన జన్మమే సుఖమై తోఁచు
(॥పల్లవి॥)
ధరఁ గడపట నేజంతువుకైనా తన జన్మమే సుఖమై తోఁచు
హరి గలఁడని తా నమ్మివుండఁగా నతఁడిచ్చే సుఖ మొల్లరు
(॥ధరఁ॥)
మొదలఁ గొందరికి స్వర్గలోకమే మోక్షసుఖంబని తోఁచును
అదె కొందరికి దేవత్వమే బ్రహ్మానందంబై తోఁచును
వుదుటునఁ గొందరికి సంసారమే వున్నతసుఖమై తోఁచును
తుద నా మీఁదటి హరిదాస్యసుఖము ధ్రువపట్టంబని కానరు
(॥ధరఁ॥)
సొరిదిఁ గొందరటు శూన్యతత్త్వమే సుఖమని మాఁటలనందురు
యిరవెరఁగనివారికి ధనధాన్యము లెక్కువ సుఖమై తోఁచును
నిరతిఁ గొందరికి చిరజీవులౌటే నిత్యసుఖంబని తోఁచును
వరుసల శ్రీపతిపై భారంబిదె వైరాగ్యపుసుఖ మెఱఁగరు
(॥ధరఁ॥)
యెక్కడ చూచిన మాయలసుఖములు యెన్నైనాఁ గలవెప్పుడును
చొక్కపు శ్రీవేంకటపతి తోడుట సుఖియించేటి సుఖ మొల్లరు
యిక్కడ నక్కడ నీతని దాసులే యేచి సుఖింతురు నిజసుఖము
కిక్కిరిసిన యజ్ఞానాంధకారులు కిందును మీఁదును నెరఁగరు
(||pallavi||)
dharam̐ gaḍabaḍa nejaṁtuvugainā tana janmame sukhamai tom̐su
hari galam̐ḍani tā nammivuṁḍam̐gā nadam̐ḍichche sukha mŏllaru
(||dharam̐||)
mŏdalam̐ gŏṁdarigi svargalogame mokṣhasukhaṁbani tom̐sunu
adĕ kŏṁdarigi devatvame brahmānaṁdaṁbai tom̐sunu
vuduḍunam̐ gŏṁdarigi saṁsārame vunnadasukhamai tom̐sunu
tuda nā mīm̐daḍi haridāsyasukhamu dhruvabaṭṭaṁbani kānaru
(||dharam̐||)
sŏridim̐ gŏṁdaraḍu śhūnyadattvame sukhamani mām̐ṭalanaṁduru
yiravĕram̐ganivārigi dhanadhānyamu lĕkkuva sukhamai tom̐sunu
niradim̐ gŏṁdarigi sirajīvulauḍe nityasukhaṁbani tom̐sunu
varusala śhrībadibai bhāraṁbidĕ vairāgyabusukha mĕṟam̐garu
(||dharam̐||)
yĕkkaḍa sūsina māyalasukhamulu yĕnnainām̐ galavĕppuḍunu
sŏkkabu śhrīveṁkaḍabadi toḍuḍa sukhiyiṁcheḍi sukha mŏllaru
yikkaḍa nakkaḍa nīdani dāsule yesi sukhiṁturu nijasukhamu
kikkirisina yajñānāṁdhagārulu kiṁdunu mīm̐dunu nĕram̐garu