(॥పల్లవి॥)
దేవుని మరవకు మంతే మాట చిత్తమా
దీవెనై కలఁడు మాకు దేవుఁడు
(॥దేవుని॥)
అరుదగుజీవుని బ్రహ్మాండగోళములోన
తెరఁగై పుట్టించువాఁడు దేవుఁడు
అరసి కమ్మరవచ్చి యన్నపానాదులు వెట్టి
తిరుగ రక్షించువాఁడు దేవుఁడు
(॥దేవుని॥)
బలుసంసారములోన భ్రమసియుండిన మాకుఁ
దెలిపి చెప్పినవాఁడు దేవుఁడు
తెలియనికర్మములు తెగనిబంధాలు వాపి
తిలకించి కాచువాఁడు దేవుఁడు
(॥దేవుని॥)
తల్లియుఁ దండ్రియునై దాతయై కలఁడు మాకు
తెల్లమి శ్రీవేంకటాద్రిదేవుఁడు
మల్లాడి తనదాసులమతిలోఁ దా నుదయించి
తెల్లవారించేవాఁడు దేవుఁడు
(||pallavi||)
devuni maravagu maṁte māḍa sittamā
dīvĕnai kalam̐ḍu māgu devum̐ḍu
(||devuni||)
arudagujīvuni brahmāṁḍagoḽamulona
tĕram̐gai puṭṭiṁchuvām̐ḍu devum̐ḍu
arasi kammaravachchi yannabānādulu vĕṭṭi
tiruga rakṣhiṁchuvām̐ḍu devum̐ḍu
(||devuni||)
balusaṁsāramulona bhramasiyuṁḍina māgum̐
dĕlibi sĕppinavām̐ḍu devum̐ḍu
tĕliyanigarmamulu tĕganibaṁdhālu vābi
tilagiṁchi kāsuvām̐ḍu devum̐ḍu
(||devuni||)
talliyum̐ daṁḍriyunai dādayai kalam̐ḍu māgu
tĕllami śhrīveṁkaḍādridevum̐ḍu
mallāḍi tanadāsulamadilom̐ dā nudayiṁchi
tĕllavāriṁchevām̐ḍu devum̐ḍu