దేవుఁడుగలవారికి దిగులుఁ జింతయు లేదు
(॥పల్లవి॥)
దేవుఁడుగలవారికి దిగులుఁ జింతయు లేదు
శ్రీవిభుఁడే అన్నిటా రక్షించుఁ గనక
(॥దేవుఁ॥)
యేలికగల బంటుకు యేవిచారము లేదు
వోలి మగఁడుగలాలికి వొప్పమి లేదు
పోళిమిఁ దండ్రిగల పుత్రుని కంగద లేదు
మేలుగాఁ బండిన భూమికిఁ గరవు లేదు
(॥దేవుఁ॥)
బలముగల రాజుకు భయమేమియు లేదు
కలిమిగలవాని కక్కర లేదు
యిల నాచారవంతుని కేపాపమును లేదు
తలఁపు బుణ్యముగల ఆతనికిఁ జేటు లేదు
(॥దేవుఁ॥)
గురువుగలవానికిఁ గొఱఁత యేమియు లేదు
పరముగలవానికి భ్రాంతులు లేవు
యిరవై శ్రీవేంకటేశుఁ డిన్నిటా మాకుఁ గలఁడు
అరయ దాసులము మా కడ్డాఁకే లేదు
(||pallavi||)
devum̐ḍugalavārigi digulum̐ jiṁtayu ledu
śhrīvibhum̐ḍe anniḍā rakṣhiṁchum̐ ganaga
(||devum̐||)
yeligagala baṁṭugu yevisāramu ledu
voli magam̐ḍugalāligi vŏppami ledu
poḽimim̐ daṁḍrigala putruni kaṁgada ledu
melugām̐ baṁḍina bhūmigim̐ garavu ledu
(||devum̐||)
balamugala rājugu bhayamemiyu ledu
kalimigalavāni kakkara ledu
yila nāsāravaṁtuni kebābamunu ledu
talam̐pu buṇyamugala ādanigim̐ jeḍu ledu
(||devum̐||)
guruvugalavānigim̐ gŏṟam̐ta yemiyu ledu
paramugalavānigi bhrāṁtulu levu
yiravai śhrīveṁkaḍeśhum̐ ḍinniḍā māgum̐ galam̐ḍu
araya dāsulamu mā kaḍḍām̐ke ledu