దేవుఁడు దేవియు నదె తెరదియ్యరె
(॥పల్లవి॥)
దేవుఁడు దేవియు నదె తెరదియ్యరె
పూవులదండలు దీసి పువ్వులియ్యవే
(॥దేవు॥)
కన్నుల నిద్దురదేర గక్కన మేలుకొని
వున్నతి మొకాలు చూచే రొకరొకరు
పన్నీ రందియ్యరె పావడలు నందియ్యరె
గన్ననఁ గాళాంజి దగ్గరఁ బట్టరే
(॥దేవు॥)
నగవులు నగుకొంటా నంటున లేచి కూచిండి
వొగిఁ గురులు దిద్దే రొకరొకరు
తగ నద్దాలు చూపరె తతితో బూగాలియ్యరె
వొగరుదేరఁ గస్తూరి వుండ లియ్యరే
(॥దేవు॥)
బిగ్గెఁ గాఁగిలించుకొంటా ప్రియములె ఆడుకొంటా
వొగ్గిరి రతులకును వొకరొకరు
అగ్గమై శ్రీవెంకటేశుఁ డలమేలుమంగాఁ గూడి
వెగ్గళించే రలపార విసరరే యిపుడు
(||pallavi||)
devum̐ḍu deviyu nadĕ tĕradiyyarĕ
pūvuladaṁḍalu dīsi puvvuliyyave
(||devu||)
kannula nidduradera gakkana melugŏni
vunnadi mŏgālu sūse rŏgarŏgaru
pannī raṁdiyyarĕ pāvaḍalu naṁdiyyarĕ
gannanam̐ gāḽāṁji daggaram̐ baṭṭare
(||devu||)
nagavulu nagugŏṁṭā naṁṭuna lesi kūsiṁḍi
vŏgim̐ gurulu didde rŏgarŏgaru
taga naddālu sūbarĕ tadido būgāliyyarĕ
vŏgaruderam̐ gastūri vuṁḍa liyyare
(||devu||)
biggĕm̐ gām̐giliṁchugŏṁṭā priyamulĕ āḍugŏṁṭā
vŏggiri radulagunu vŏgarŏgaru
aggamai śhrīvĕṁkaḍeśhum̐ ḍalamelumaṁgām̐ gūḍi
vĕggaḽiṁche ralabāra visarare yibuḍu